Gênesis 45

5 A no̱ naas jab da ko̱ no̱ hyan na-m waku̱n da. U̱m zu̱u̱g iya remu̱ zu̱ Ru̱-o̱ ba m-haatu̱n me̱ u̱ ana remu̱ u̱m guut fat-u̱t no̱. 6 Na no̱ng u̱s-hak u̱s-yu̱r u̱s-me̱r u̱ da-o̱, kwu̱ku̱s u̱s-hak u̱s-tan, su̱ na za u̱r-to̱m da, na za tu̱msu̱ ket da. 7 Ru̱-o̱ to̱mnu̱ me̱ u̱m haan u̱-shu̱ no̱, remu̱ zu̱ na kus u̱t-ne̱t u̱-me̱ ko̱-u̱r no̱, iya o̱ fu̱n-yu̱ Ru̱-u̱ zo̱ngte̱ gwu̱du̱ no̱.

8 <<Remu̱ iya a no̱ haatu̱n me̱ u̱ ana da, Ru̱-o̱ haatu̱n me̱ u̱ ana! Wa wa’ag u̱m shu̱’u̱t sha-mu̱ u̱so u̱du̱ Faru̱k-u̱ Masar. U̱m o̱ u̱so u-bu u̱ ko̱-uyan u̱-me̱ bu wa tu̱msu̱ u̱m o̱ wa-u̱r-faru̱k u̱ Masar u-be̱e̱t.>>