Amos 5

ప్రక్షాతాపంటేకె బులావను

1 ఇష్రాయేల్ అద్మియే, తుమ్నా భన్తి మే దుఃఖంతీ రొవ్వాను వాత్‍ హాఃమ్జిన్‍. 2 ఇష్రాయేల్ సియోన్‌ ఛోరి పడిగయు. యోబాయికొనా అజు కెదేబి ఉట్షెకొయిని. పాడవాళొ ఏక్జనూబి కొయిబి నార్హావమా యోబాయికొ జమీన్‌ఫర్ పడిజైయిన్‌ ఛా. 3 యెహోవా ప్రభుహుయోతె బోల్యొతె షాత్కతో "ఇష్రాయేల్ ఇవ్నమా ఏక్ హజార్ అద్మియే నిక్ల్యుతె హఃయరేమా నికిన్ గయుతె హొః అద్మిహుయిన్ నిఖీన్ గయుతో హఃయర్యేమా దహ్‌ఃష్‌ అద్మి చుఖ్కి జైయిన్‌ ఆవ్షె." 4 ఇష్రాయేలీయుల్తి యెహోవా ఆంబోలుకరస్, "మనా దూండీన్ ఆయతో తుమె జీవ్సు." 5 బేతేలును ఆష్రయించొనొకొ. గిల్గాలుమా నొకొజవొ, బెయేర్షెబాకనా నొకొజవొ; గిల్గాలువాళు జరూతితీ ఠాణమా బందీల్‌తరా ధర్లీన్‌జాషె, బేతేలుమా అజూ దుఖమాస్‌. 6 యెహోవానా ఆష్రయించొ; తెదె తుమె జీవ్సు, ఆష్రయించతో బేతేలుమా కోన్బి ఉజ్జావకొయినితిమ్ ఆగ్‌ పడతిమ్ ఇనె యోసేపు ఖాందాన్నాఫర్‌ పడీన్ ఇన నాష్‌ కరినాక్చె. 7 ఇవ్నె న్యాయంనా అన్యాయంతరా కరిన్‌, నీతినా జమీన్‌ఫర్ నాఖిదెంకరాతెవాళా, 8 ✝5:8 యోబు 9:9; 38:31ఇనె సప్తరుషీ థారొయేను గళ్లొ మృగషీర్ష గల్లొ థారొయేను ఫైదాకరాయోతెవాళొ. అంధారు గడప్నా వ్హాణుతరా బద్లావవాళొ, ధర్యావ్ను పానినా బులాయిన్ ఇనా జమీన్‌ఫర్ దొర్లిన్ నహాఃడవాళొ. 9 ఇను నామ్ యెహోవా. థాకత్ వాలను ఉప్పర్‍ ఇనె నాషనంనా లావదేవమా కోటల్ నాష్ హుషె. 10 పన్కి ధర్వాజుయేమా ఉబ్రీన్‌ బుద్ధిబోలతె వాలను ఉప్పర్ అద్మియే దుష్మాన్‌ హుషె; యథార్థంతీ వాతెబోలతె వాలనా అసహ్యించిలీషె. 11 తుమె గరీబ్నా కుందల్తూహుయిన్ రఫ్యా లీలిన్‌ నీతిమంతుల్నా, బాధమ్హేందుతూ, ధర్యాజుకనా ఆవతె గరీబ్నా అన్యాయంతీ కరనుబారెమా 12 తుమారు గల్తినా ఘనుజాహఃత్‌హుయుకరి, తుమారు పాపాల్నా ఘోరంహుయితెకరి మన మాలం. దరిద్రుల్‌కనా హాఃల్ మోప్నా లీలెతాహుయిన్ తుమె ఇవ్నా కుంద్లినాకుకరాస్. అనటేకె గలత్‌ కరకొయింతె ఇవ్నా బాధించుకరాస్‌. గామ్ను ధర్వాజు కందె గరీబ్నా పట్టించుకకొయిని. 13 ఆతె ఖరాబ్‌ధన్‌ అనటేకె ఆ ధన్మా దిమాక్‌వాళు గఛ్చూప్‌ ర్హాషె. 14 తుమె జీవ్నుతిమ్ కీడ్ మ్హెందిన్‍ మేల్ దూండొ; అంనితరా కరనుబారెమా తుమె లైహిజాయితె తిమ్‌ దేవ్‌నోబి సైన్యంనా అధిపతిహుయోతె యెహోవా తుమారకేడె ర్హాషె. 15 కీడునా ద్వేషించీన్‌ మేల్నా ఫ్యార్‌ కర్తాహుయిన్, ధర్వాజుయేమా న్యాయం ఉబ్బారికాడొ. ఏక్ చోట్‌ యెహోవా, సైన్యంనా అధిపతిహుయోతె దేవ్‌ యోసేపు ఖాందాన్మా ధర్లీన్‌ గయుతె వాలఫర్‌ గోర్ కర్షె. 16 అనటేకె యెహోవా ప్రభువు, సైన్యంనా అధిపతిహుయోతె యెహోవా దేవ్‍ బోలుకరాతె షాత్కతో, "హర్యేక్‍ రాజను వాట్మా, రొవ్ను ర్హాషె. హార్యేక్ నడివీధిమా అద్మియే జమహుయిన్‌ అయ్యో! కరి బోల్చె. రొవ్వానటేకె, ఇవ్నె రైతులను బులావ్షె. దుఖపడతె అష్యత్తి ర్హాయితె వాలనా రొవ్వతెటేకె బులావ్షె. 17 అంగూర్ను బాగ్‌ మొత్తంమా రొవ్వాను జాహఃత్తీ ర్హాషె. మే ఇవ్నా తుమార ఇచ్మాతీ" *5:17మూలభాషమా షిక్షినాఖిస్‌జైయిష్‌. 18 యెహోవా న్యావ్‍ ధన్‌ ఆవ్నుకరి ఆహ్‌ః కరతె తుమ్నా ఘణు బాధ. యెహోవా న్యావ్‍ ధన్ హాఃజె షాన ఆహ్‌ః కర్షె? ఆతె ఉజాళుతరా కోర్హాయిని, అంధారుతరా ర్హాషె. 19 ఏక్జణు సింహాం కంతూ చుక్కాయిలీదుతో రీచ్ హాఃమె పడినట్టు, న్హైయితో ఏక్జణు ఘమా జైయిన్‍, భీత్‍ ఫర్‍ హాత్ నాక్యుతో హాఃప్ ఇనా కల్డ్యుతిమ్‌ ర్హాషె. 20 యెహోవాను ధన్ ఉజాళుతర కాహెతిమ్‍ అంధారంతరా ర్హాషెకొయిన్నా? కాంతితో కాహెతిమ్‍, అంధారుతరా ర్హాషెకొయిన్నా?

ఇష్రాయేల్ను భక్తి కార్యాల్నా గుర్కావను

21 తుమారు పండగ హుఃకాయి జావదీన్‍ మన అష్యల్‌ కోలాగని. యోహఃరు మన గిట్టవు. తుమరు ఆలాదు సభలంటే నొకొ దిల్‍కొయిని. 22 మన దహనబలులనూ నైవేద్యాలనూ మీరర్పించినా మే అంగిరిస్ని. సమాధాన బలులుగా మీరర్పించే అష్యల్‍నూ; మే కొయిని. 23 తుమారు పాటల అవాజ్ మార కంతు. తుమారు తీగ గీద్ను గీద్బోలను మే. 24 నీళ్లలా నీతిన న్హాఃహదెవొ. నీతినా కెదేబి న్హాహతిమ్‌ కర్యొ. 25 ఇష్రాయేలియుల్వాలా, చాలిహ్‌ః వరహ్‌ః తుమే నైవేద్యాలనూ మన లాయునా? 26 తుమే తుమారటేకె కైవాను కరి థారోను దేవ్ను మూర్తియేనా కర్లిదా. సిక్కూతు కరి దేవ్ను మూర్తియేనా రాజొనితరా తుమె ఢొయిలీన్ ఆయు కొయిన్నా. 27 అనటేకె మే దమస్కు హఃయర్ను పార్లిబాజు తుమ్నా బందీల్తరా బులీయిలీన్ జైయిస్‌, కరి యెహోవా బోలుకరాస్‌. ఇను నామ్‍ సైన్యంనో అధిపతి హుయోతె దేవ్‍.