Isaías 55

దేవ్ను దయ

1 పాణిను తరహ్తీఛాతె తూ హాఃరు, పాణిను కందె ఆవో! రఫ్యా కొయింతె తుమె హాఃరు ఆయిన్, మోల్ లీన్‌ ఖవో. ఆవో, రఫ్యా నార్హయుతోబి షాత్బి నొకొ దేవొతిమ్ అంగూర్ను రహ్నా, దూద్నా మోల్ లెవో. 2 కాణు స్కాయే ఇన తుమే కిమ్ రఫ్యా దీషూ? తుమ్నా పేట్‌ బారవకోయినితిం ఇన తుమారి కస్టంను రఫ్యాషాన పాల్తు కరస్? 3 కానేతి హఃమ్జిన్‌ మారకన ఆవో! తుమె మారి వాతేన హఃమ్జతో జీవ్షూ. మే తుమారేతి నిత్య నిబంధన కరుకరుస్. దావీదున దెఖ్కాడ్యోతె షాస్వతంను కృపనా తుమ్నా దెఖ్కాడీస్. 4 హైదెకో, రాజ్యంనా జనంన సాక్షీతి ఇను నియమించో. జనంన రాజానితరా, అధిపతినితరా ఇన నియమించొ. 5 తున మాలం కొయింతె అద్మియేనా తూ బులాయిష్. యెహోవా దేవ్కరి మాలం కొయింతె జనం ఇన మహిమ కర్షే. యో దేఖిన్ తారు దేవ్‌ యెహోను బట్టిన్ ఇస్రాయేల్నూ పరిషుద్దా దేవ్ను వాతే హఃమ్జీన్ మిలావ్తూ హుయిన్ ఆవ్షె. 6 యెహోవా తుమ్నా మలను వహఃత్మా ఇనా దూండొ. యో కన్నే ర్హావాని వొహఃతాస్ ఇన హఃలామ్‌ కరీన్ వేడిలెవొ.