యోహాన్ 3

3 అనటెకె యేసు ఇవ్నేతీ బోల్యొ ఏక్జనో నవో పైదాహుయోతోస్‍ పన్కి ఇనే దేవ్ను రాజ్యంనా దేక్చేకొయినీకరి కరి తుమారితి హాఃఛితి బోలుకరుస్.

4 అనటెకె నీకొదెమ్‍ బుడోహుయోతె అద్మికింమ్‍ పైయిదా హూసే? బెంమ్మను ఛోట్‍ ఆయాను పేట్మాపేషిన్‍ పైదాకర్నునా కరి ఇనా పుఛ్చావమా!

5 యేసు అమ్ బోల్యొ ఏక్జనొ పానీనూ బారేమాతోబీ, ఆత్మానబారేమాతోబి, పైదాహుయోతో పన్కి, యో దేవ్నీ రాజ్మంమా జాసెకొయినీకరి తుమారేతి హాఃఛితి బోలుకరూస్‍ 6 ఆంగ్తాన్‍ బారేమా పైదాహుయోతె ఆంగ్తాన్‍తీస్‍ ఆత్మను బారేమా పైదాహుయోతె ఆత్మాహుయిన్ ఛా! 7 తుమే నవూ పైదాహూనుకరి మే తుమారేతి బోల్యొకరి, అష్యంనొకొహువో. 8 వ్యారో ఇన ఇష్టంహుయుజొగొమా వాగస్‍; తూ ఇను ఆవాజ్ హఃజీస్‍ పన్కి, యో కెజ్గాతూ నికీన్‍ ఆవస్కి, కెజ్గాజాస్కి, తూన మాలంకొయినీ ఆత్మమూలంమా పైదాహుయోతె హర్యేక్‍జనూ ఇమ్మాస్‍ ఛా కరి బోల్యొ.