1 సైన్యంనా అధిపతిహుయోతె యెహోవా ఆంబోలుకరస్. మే మారు దూతనా మొక్లుకరూస్‌. ఇనె మన అగాఢీ వాట్ సిద్దం కర్సె. ఇన పాసల్ తుమె దూండుకరాతె ఆ ప్రభువు, కతో తుమే కోరిలీదతె నిబంధనా దూత ఇను ఆలయంనా జల్దీస్ ఆవ్సె. ఇనె వలోవాస్‌. 2 ఇనె ఆవనూ ధన్‌ కోన్ హఃమాలిలీషె? ఇనె దెఖ్కాయుతెదె కోన్ ఉబ్రీన్ ర్హాషె? ఇనె ఘేణనా బనావాళొ ఆగ్నుబట్టిమా జోడనువాళొ, నిప్పులాంటివాడు, ధోబొను హాత్మాను సబ్బును జోడనువాళొ. 3 ఇనె ఱూపునా ఏన్‌కరీన్ పుటం బేందిన్ షుద్ధ్‌ కరవాలంతరా కర్లేస్‌. ఱూపు ఘేణనా షుద్ధ్ కరీన్, బాలిన్‌ బేందతె ఇవ్నితరా ఇనె లేవీ గోత్‌ వాళనా షుద్ధ్ కర్సె. తెదె ఇవ్నె నీతి నియమాల్నా చాలిలీన్ యెహోవానా నైవేద్యాల్‌ దిషు. 4 ఉజ్జాడ్‌ను ధన్మా, జమాణనుధన్మా ర్హాయితిమ్, యూదాను అద్మియే, యెరూషలేమ్ను జీంకరాతె అర్పణదేయితె నైవేద్యాల్ యెహోవానా లాడ్‌నితరా ర్హాషె. 5 న్యావ్ కరనటేకె మే తుమారకందె ఆయోతెదె, మాంత్రికుల్‌ వాళఫర్‌, వ్యభిచారుల్‌ ఫర్ , ఛాడ్‌సాబుత్ బోలతె ఇవ్నఫర్‌ సిద్దంతీ ర్హయిస్‌. మే కతో ఢర్ కోయినితిమ్ కూలి దేయితె వాలనా విషయంమా, ముండమోపి, భా కొయింతెవాళనా బాధబేంద్యుతె ఇవ్నా బాధబేంద్యుతె ఇవ్ను విషయంమా, అలాదు దేహ్ఃవాళను భన్తీ అన్యాయంతీ ప్రవర్తించతె వాళను విషయంమా మే బలంతీ సాబుత్ బోలిష్‌ కరి సైన్యంనా అధిపతిహుయోతె యెహోవా బోలుకరాస్‌.

6 యెహోవాహుయోతె మే బద్లిస్‌ కొయిని అనటేకె యాకోబ్ ఖాందాన్ హుయుతె తుమే నాషనమ్ హుసుకొయిని. 7 తుమారు జమాణను ధన్ కంతూ తుమే మారు నియమాల్ను పట్టించుకొయినితిమ్ ఇనా బెందిదు. పన్కీ హంకె తుమే మారు బాజుమా పర్యతో పక్చంమా మే తుమారు బాజు ఫరీస్‌కరి సైన్యంనా అధిపతిహుయోతె యెహోవా బోల్యొతెదె, హమే కిను విషయంమా ఫర్ను? కరి తుమె బోలస్. 8 అద్మియే దేవ్ను దవ్లత్ ఛోర్‌కామ్ కర్షెనా? పన్కీ తుమే మారు దవ్లత్‌ చోర్‌కామ్ కర్యా? కరి బోలస్‌. దషమ భాగ్, కృతజ్ఞత అర్పణల్‌ దేయికొయినితిమ్ చోర్‌ కర్యా. 9 ఆ అద్మియేహాఃరు మారకనా చోర్‌కామ్ కర్తూస్‌ ఛా. తుమె షాపంనా గిరిహుయు. 10 మారు మందిర్‌మా, ఖాణు ర్హావతిమ్ తుమారు దషమ భాగ్ మారు ఆలయంమా గిడ్డంగినామహీ లీన్ఆవొ. అమ్ లీన్‌లాయిన్ మన హఃతావో, "మే పరలోకంను ధర్వాజు చోడీన్, ధరనహువకొయింతె దీవెనలు విస్తారంతీ నాఖీస్" కరి సైన్యంనో అధిపతిహుయోతె యెహోవా బోలుకరాస్. 11 "తుమారు ఫికాయినా కీడా నాఖాణుతిమ్‌ మే" గుర్కాయీస్‌. ఆతె తుమారు జమీన్ ఫర్ ఛాతె ఫికాయి నాష్ కర్షెకొయిని. తుమారు అంగూర్ను రహ్ఃను ఫలాల్ పండకొయింతె పడ్జాషెకొయిని. ఆ సైన్యంనో అధిపతిహుయోతె యెహోవా వాత్‌. 12 అజు తెదె ఖుషిహుయుతె దేహ్ఃమా తుమే జీవ్సు. బగల్ను దేహ్‌ఃవాలు జనాభో అక్కూ తుమ్నా ధన్యుల్ కరి బోల్చె. కరి సైన్యంనో అధిపతిహుయోతె యెహోవా బోలుకరాస్.

13 యెహోవా, మన విరోధంతి తుమే ఘణు గర్వంగా తున గూర్చి షాత్కరి వాతెబోల్యా? కరి తుమె పుఛ్చావ్షు. 14 తూతె ఆమ్, దేవ్నా సేవ ఇను ఆజ్ఞనా గైకొని సేనానో అధిపతియైన యెహోవా సన్నిధినా ఇన దుఃఖాక్రాంతులుగా షిక్షా నాక్షే ర్హావను బారెమా సాత్ ఉపయోగం? 15 గర్విష్ఠులే ధన్యతలు పొందుతున్నారు, "యెహోవా షోధించతె దుష్టుల్ భద్రంగా జరగజాసెతే హఃరు బడిగయు." 16 తెదే యెహోవా ఢర్ భక్తి వాలహుయున్ ఏక్తి ఏక్ మాట్లాడుకుంటున్నప్పుడు యెహోవా యో వాతే హాఃమ్జిన్ . యెహోవా ఢర్ భక్తి యో నామ్న గౌరవించే ఇవ్ను బారెమా జ్ఞాపకార్థంగా ఇను సన్నిధిన ఏక్ పుస్తకం లేఖనంమా లిఖాయ్రూస్. 17 "మే నియమించాను ధన్ సమీపించ్యుతెదె" ఇవ్నే మారు వాలనితరా, మారు ముఖ్యంను సొత్తునితర, భా ఇనా కరుకరతే చియ్యో కనికరించే, మే ఇవ్నా కనికరం కర్చెకరి బబులోరాజోను అధికారుల్కనగయోతో అధిపతిహుయోతే. 18 తెదె నీతిమంతుల్ కొన్కి దుర్మార్గుల్ కొన్కి, దేవ్నా సేవకరవాలు మన, సేవకరకొయినితెవాలు మన తుమే అజు గుర్తుకార్సు.