మత్త 25

తీన్‍ సేవకుల్నూ బారెమా ఉపమానం

14 ఏక్‍ అద్మి ఇవ్ను దాసుల్నా బులాయిన్‍ ఇనూ దవ్లత్నా ఇవ్న దీన్‍, యో దేహ్క్ యాత్రనటేకె తయార్‍హుయీన్‍ జావంతరా ఛా. 15 యో ఏక్జణనా పాచ్‍ హజార్‍ ఘేణను నాణెమ్ అజేక్నా బే హజార్‍ ఘేణను నాణెంనా, బుజేక్నా ఏక్‍ హజార్‍ ఘేణను నాణెమ్ కినూ సామర్థంతీ*25:15 థాఖత్‍ తిమ్‍ ఇవ్నా దీన్‍ ఎగ్గీస్‍ యో దేహ్క్ మా ప్రయాణంహుయీన్‍ గయో.

16 పాచ్‍ హజార్‍ ఘేణను నాణెమ్ లీదోతె యో జైన్‍ ధందొకరీన్‍, బుజు పాచ్‍ తలాంతుల్నా*25:16 మూలభాషమా 3600 రఫ్యా కమాయో.

17 ఇంమ్మస్‍ బే ఘేణను నాణెమ్ లీదోహూ, బుజు బే తలాంతుల్నా కమాయో.

18 పన్కి, ఏక్‍ హజార్‍ ఘేణను నాణెమ్ లిదొతె ఇనే జైన్‍, జమీన్‍ కోందిన్‍ ఇను యజమానుని ఫైష్యానా లఫాడ్యొ.

19 గ్హనూ ధన్‍ హుయ్‍జావనా పాసల్‍, యో దాసుడ్‍ను మాలిక్‍ ఆయిన్‍, ఇవ్నకనా ఇషాబ్‍ దేఖిలిదొ. 20 తెదె పాచ్‍ తలాంతుల్‍ లిదోతె యో బుజూ పాచ్‍ ఘేణను నాణెమ్ లాయిన్ హఃయేబ్‍, తూ మన పాచ్‍ తలాంతుల్నా దీరాక్యోతోని యోకాహేతిమ్‍ బుజు పాచ్‍ ఘేణను నాణెమ్ కమాయ్‍ లాయోకరి బోల్యొ.

21 ఇను మాలీక్‍ షభాస్‍, నమ్మకంతి అషల్ దాసుడ్‍, తు ఆ ధరాసుమాస్‍ నమ్మకంతి ర్హయో, తునా హాఃరంఫర్‍ హక్కు దీస్‍, తారు మాలిక్ను ఖుషిమా తూబి భాగ్‍ హూకరి ఇనేతి బోల్యొ.

22 ఇమ్మస్‍ బే హజార్‍ ఘేణను నాణెమ్ లిదుతె యో ఆయిన్‍ హాఃయేబ్‍, తూ మనా బే తలాంతుల్‍ దిదో థోని యోస్‍ కాహెతిమ్‍ మే వుజు బే ఘేణను నాణెమ్‍నా కమైయిలీన్‍ ఆయోకరి బొల్యొ. 23 ఇను మాలిక్‍, షభాస్‍ నమ్మకం ఛాతే అష్యల్ దాసుడ్‍, తూ ఆ దరాసుమాస్‍ నమ్మకంతి ర్హయో, తునా హాఃరంఫర్ తునా హాక్కు దెంకరూస్‍, తారు మాలిక్ను ఖుషిమా భాగ్‍ హూకరి ఇనేతి బోల్యొ.

24 పాసల్తి ఏక్‍ హజార్‍ ఘేణను నాణెమ్ లిదుతే యో ఆయిన్‍, హఃయేబ్‍ తూ పిఖ్కావకొయినితె జొగొమా వడావాలో, వాఢకొయినితే జొగొమా పంటా పీకావాలొ గ్హట్‍జాన్‍ వాలొకరి మన మాలం.

25 ఇనటేకె మే ఢరిజైన్‍, తారు ఘేణనూ నాణెమ్ లీన్‍జైన్‍ జమీన్‍మా గాడ్దిదొ, అలా తారు తునస్‍ లీలాకరి బోల్యొ.

26 ఇనెటేకె ఇనో మాలిక్‍ ఇనా దేఖిన్‍ తూ సోమరిహుయోతే గలీజ్‍ దాసుడ్‍, మే పిఖ్కావ కొయినితె జోగొమా పంట వాడవాలొకరి, చిఢ్క కొయింతే జొగొమా పంటా హోఃతవాలొకరి తున మాలంమాస్నా?

27 ఇంహుయితో తూ మారు పైసా వడ్డి వాలంకనా దీరాక్నుతూ, మే ఆయిన్‍ మార పైసాన వడ్డీతి ధరీన్‍ లిదోహోత్ని కరి బోల్యొ. 28 యో ఘేణను నాణెమ్ ఇనకంతూ లీలిన్‍ ధహ్ః ఘేణను నాణెమ్ ఛాతెవాలన దినాక్‍.

29 ఛాతె హర్యేక్‍ జనవ్‍నాబి బుజు దెవ్వాసె, ఇనా సమృద్ధి మల్సె; పన్కి కొయింతే ఇనకంతూ ఇనకనా ఛాతె థోడుబి లీలిసె. 30 కామె ఆవకొయింతె యో దాసుడ్‍నా భాదర్‍ ఛాతె అంధారమా ధక్లిదెవొ, ఎజ్గ రొవ్వానుబి దాత్‍ ఛావనూస్‍ ర్హాసె.