Proverbia 4

23 Omni custodia serva cor tuum,

quia ex ipso vita procedit.

24 Remove a te os pravum,

et detrahentia labia sint procul a te.

25 Oculi tui recta videant,

et palpebræ tuæ præcedant gressus tuos.

26 Dirige semitam pedibus tuis,

et omnes viæ tuæ stabilientur.

27 Ne declines ad dexteram neque ad sinistram ;

averte pedem tuum a malo :

vias enim quæ a dextris sunt novit Dominus :

perversæ vero sunt quæ a sinistris sunt.

Ipse autem rectos faciet cursus tuos,

itinera autem tua in pace producet.