13 non ergo amplius invicem iudicemus sed hoc iudicate magis ne ponatis offendiculum fratri vel scandalum

14 scio et confido in Domino Iesu quia nihil commune per ipsum nisi ei qui existimat quid commune esse illi commune est

15 si enim propter cibum frater tuus contristatur iam non secundum caritatem ambulas noli cibo tuo illum perdere pro quo Christus mortuus est

16 non ergo blasphemetur bonum nostrum

17 non est regnum Dei esca et potus sed iustitia et pax et gaudium in Spiritu Sancto

18 qui enim in hoc servit Christo placet Deo et probatus est hominibus