9 "Megu so rehwɛ no,

"mehunuu sɛ, wɔde nhennwa bɛsisii hɔ,

na Deɛ ɔwɔ hɔ firi Tete no bɛtenaa ase.

Na nʼatadeɛ yɛ fitaa sɛ sukyerɛmma;

na ne tirinwi hoa sɛ odwan nwi.

Nʼahennwa dɛre sɛ ogyaframa

na nʼahennwa nhankra nso dɛree framfram.

10 Na ogya a ɛte sɛ asubɔnten

tene firii nʼanim baeɛ.

Abɔfoɔ mpempem kotoo no,

na ɔpepe nso gyinagyinaa nʼanim.

Abadwafoɔ no tenaa ase,

na wɔhyɛɛ aseɛ buebuee nwoma mu.