1 בִּשְׁנַת חֲדָה לְבֵלְאשַׁצַּר מֶלֶךְ בָּבֶל דָּנִיֵּאל חֵלֶם חֲזָה וְחֶזְוֵי רֵאשֵׁהּ עַל־מִשְׁכְּבֵהּ בֵּאדַיִן חֶלְמָא כְתַב רֵאשׁ מִלִּין אֲמַר׃
2 עָנֵה דָנִיֵּאל וְאָמַר חָזֵה הֲוֵית בְּחֶזְוִי עִם־לֵילְיָא וַאֲרוּ אַרְבַּע רוּחֵי שְׁמַיָּא מְגִיחָן לְיַמָּא רַבָּא׃
3 וְאַרְבַּע חֵיוָן רַבְרְבָן סָלְקָן מִן־יַמָּא שָׁנְיָן דָּא מִן־דָּא׃
4 קַדְמָיְתָא כְאַרְיֵה וְגַפִּין דִּי־נְשַׁר לַהּ חָזֵה הֲוֵית עַד דִּי־מְּרִיטוּ גַפַּיהּ וּנְטִילַת מִן־אַרְעָא וְעַל־רַגְלַיִן כֶּאֱנָשׁ הֳקִימַת וּלְבַב אֱנָשׁ יְהִיב לַהּ׃
5 וַאֲרוּ חֵיוָה אָחֳרִי תִנְיָנָה דָּמְיָה לְדֹב וְלִשְׂטַר־חַד הֳקִמַת וּתְלָת עִלְעִין בְּפֻמַּהּ בֵּין [שִׁנַּיַּהּ כ] (שִׁנַּהּ ק) וְכֵן אָמְרִין לַהּ קוּמִי אֲכֻלִי בְּשַׂר שַׂגִּיא׃
6 בָּאתַר דְּנָה חָזֵה הֲוֵית וַאֲרוּ אָחֳרִי כִּנְמַר וְלַהּ גַּפִּין אַרְבַּע דִּי־עֹוף עַל־ [גַּבַּיַּהּ כ] (גַּבַּהּ ק) וְאַרְבְּעָה רֵאשִׁין לְחֵיוְתָא וְשָׁלְטָן יְהִיב לַהּ׃
7 בָּאתַר דְּנָה חָזֵה הֲוֵית בְּחֶזְוֵי לֵילְיָא וַאֲרוּ חֵיוָה [רְבִיעָיָה כ] (רְבִיעָאָה ק) דְּחִילָה וְאֵימְתָנִי וְתַקִּיפָא יַתִּירָא וְשִׁנַּיִן דִּי־פַרְזֶל לַהּ רַבְרְבָן אָכְלָה וּמַדֱּקָה וּשְׁאָרָא [בְּרַגְלַיַּהּ כ] (בְּרַגְלַהּ ק) רָפְסָה וְהִיא מְשַׁנְּיָה מִן־כָּל־חֵיוָתָא דִּי קָדָמַיהּ וְקַרְנַיִן עֲשַׂר לַהּ׃
8 מִשְׂתַּכַּל הֲוֵית בְּקַרְנַיָּא וַאֲלוּ קֶרֶן אָחֳרִי זְעֵירָה סִלְקָת [בֵּינֵיהֹון כ] (בֵּינֵיהֵן ק) וּתְלָת מִן־קַרְנַיָּא קַדְמָיָתָא [אֶתְעֲקַרוּ כ] (אֶתְעֲקַרָה ק) מִן־ [קֳדָמַיַּהּ כ] (קֳדָמַהּ ק) וַאֲלוּ עַיְנִין כְּעַיְנֵי אֲנָשָׁא בְּקַרְנָא־דָא וּפֻם מְמַלִּל רַבְרְבָן׃
9 חָזֵה הֲוֵית עַד דִּי כָרְסָוָן רְמִיו וְעַתִּיק יֹומִין יְתִב לְבוּשֵׁהּ ׀ כִּתְלַג חִוָּר וּשְׂעַר רֵאשֵׁהּ כַּעֲמַר נְקֵא כָּרְסְיֵהּ שְׁבִיבִין דִּי־נוּר גַּלְגִּלֹּוהִי נוּר דָּלִק׃
10 נְהַר דִּי־נוּר נָגֵד וְנָפֵק מִן־קֳדָמֹוהִי אֶלֶף [אַלְפַיִם כ] (אַלְפִין ק) יְשַׁמְּשׁוּנֵּהּ וְרִבֹּו [רַבְּוָן כ] (רִבְבָן ק) קָדָמֹוהִי יְקוּמוּן דִּינָא יְתִב וְסִפְרִין פְּתִיחוּ׃
11 חָזֵה הֲוֵית בֵּאדַיִן מִן־קָל מִלַּיָּא רַבְרְבָתָא דִּי קַרְנָא מְמַלֱּלָה חָזֵה הֲוֵית עַד דִּי קְטִילַת חֵיוְתָא וְהוּבַד גִּשְׁמַהּ וִיהִיבַת לִיקֵדַת אֶשָּׁא׃
12 וּשְׁאָר חֵיוָתָא הֶעְדִּיו שָׁלְטָנְהֹון וְאַרְכָה בְחַיִּין יְהִיבַת לְהֹון עַד־זְמַן וְעִדָּן׃
13 חָזֵה הֲוֵית בְּחֶזְוֵי לֵילְיָא וַאֲרוּ עִם־עֲנָנֵי שְׁמַיָּא כְּבַר אֱנָשׁ אָתֵה הֲוָה וְעַד־עַתִּיק יֹומַיָּא מְטָה וּקְדָמֹוהִי הַקְרְבוּהִי׃
14 וְלֵהּ יְהִיב שָׁלְטָן וִיקָר וּמַלְכוּ וְכֹל עַמְמַיָּא אֻמַיָּא וְלִשָּׁנַיָּא לֵהּ יִפְלְחוּן שָׁלְטָנֵהּ שָׁלְטָן עָלַם דִּי־לָא יֶעְדֵּה וּמַלְכוּתֵהּ דִּי־לָא תִתְחַבַּל׃ פ
15 אֶתְכְּרִיַּת רוּחִי אֲנָה דָנִיֵּאל בְּגֹוא נִדְנֶה וְחֶזְוֵי רֵאשִׁי יְבַהֲלֻנַּנִי׃
16 קִרְבֵת עַל־חַד מִן־קָאֲמַיָּא וְיַצִּיבָא אֶבְעֵא־מִנֵּהּ עַל־כָּל־דְּנָה וַאֲמַר־לִי וּפְשַׁר מִלַּיָּא יְהֹודְעִנַּנִי׃
17 אִלֵּין חֵיוָתָא רַבְרְבָתָא דִּי אִנִּין אַרְבַּע אַרְבְּעָה מַלְכִין יְקוּמוּן מִן־אַרְעָא׃
18 וִיקַבְּלוּן מַלְכוּתָא קַדִּישֵׁי עֶלְיֹונִין וְיַחְסְנוּן מַלְכוּתָא עַד־עָלְמָא וְעַד עָלַם עָלְמַיָּא׃
19 אֱדַיִן צְבִית לְיַצָּבָא עַל־חֵיוְתָא רְבִיעָיְתָא דִּי־הֲוָת שָׁנְיָה מִן־ [כָּלְּהֹון כ] (כָּלְּהֵין ק) דְּחִילָה יַתִּירָה [שִׁנַּיַּהּ כ] (שִׁנַּהּ ק) דִּי־פַרְזֶל וְטִפְרַיהּ דִּי־נְחָשׁ אָכְלָה מַדֲּקָה וּשְׁאָרָא בְּרַגְלַיהּ רָפְסָה׃
20 וְעַל־קַרְנַיָּא עֲשַׂר דִּי בְרֵאשַׁהּ וְאָחֳרִי דִּי סִלְקַת [וּנְפַלוּ כ] (וּנְפַלָה ק) מִן־ [קֳדָמַיַּהּ כ] (קֳדָמַהּ ק) תְּלָת וְקַרְנָא דִכֵּן וְעַיְנִין לַהּ וְפֻם מְמַלִּל רַבְרְבָן וְחֶזְוַהּ רַב מִן־חַבְרָתַהּ׃
21 חָזֵה הֲוֵית וְקַרְנָא דִכֵּן עָבְדָה קְרָב עִם־קַדִּישִׁין וְיָכְלָה לְהֹון׃
22 עַד דִּי־אֲתָה עַתִּיק יֹומַיָּא וְדִינָא יְהִב לְקַדִּישֵׁי עֶלְיֹונִין וְזִמְנָא מְטָה וּמַלְכוּתָא הֶחֱסִנוּ קַדִּישִׁין׃
23 כֵּן אֲמַר חֵיוְתָא רְבִיעָיְתָא מַלְכוּ [רְבִיעָיָא כ] (רְבִיעָאָה ק) תֶּהֱוֵא בְאַרְעָא דִּי תִשְׁנֵא מִן־כָּל־מַלְכְוָתָא וְתֵאכֻל כָּל־אַרְעָא וּתְדוּשִׁנַּהּ וְתַדְּקִנַּהּ׃
24 וְקַרְנַיָּא עֲשַׂר מִנַּהּ מַלְכוּתָה עַשְׂרָה מַלְכִין יְקֻמוּן וְאָחֳרָן יְקוּם אַחֲרֵיהֹון וְהוּא יִשְׁנֵא מִן־קַדְמָיֵא וּתְלָתָה מַלְכִין יְהַשְׁפִּל׃
25 וּמִלִּין לְצַד [עִלָּיָא כ] (עִלָּאָה ק) יְמַלִּל וּלְקַדִּישֵׁי עֶלְיֹונִין יְבַלֵּא וְיִסְבַּר לְהַשְׁנָיָה זִמְנִין וְדָת וְיִתְיַהֲבוּן בִּידֵהּ עַד־עִדָּן וְעִדָּנִין וּפְלַג עִדָּן׃
26 וְדִינָא יִתִּב וְשָׁלְטָנֵהּ יְהַעְדֹּון לְהַשְׁמָדָה וּלְהֹובָדָה עַד־סֹופָא׃
27 וּמַלְכוּתָה וְשָׁלְטָנָא וּרְבוּתָא דִּי מַלְכְוָת תְּחֹות כָּל־שְׁמַיָּא יְהִיבַת לְעַם קַדִּישֵׁי עֶלְיֹונִין מַלְכוּתֵהּ מַלְכוּת עָלַם וְכֹל שָׁלְטָנַיָּא לֵהּ יִפְלְחוּן וְיִשְׁתַּמְּעוּן׃
28 עַד־כָּה סֹופָא דִי־מִלְּתָא אֲנָה דָנִיֵּאל שַׂגִּיא ׀ רַעְיֹונַי יְבַהֲלֻנַּנִי וְזִיוַי יִשְׁתַּנֹּון עֲלַי וּמִלְּתָא בְּלִבִּי נִטְרֵת׃ פ
1 巴 比 伦 王 伯 沙 撒 元 年 ， 但 以 理 在 床 上 做 梦 ， 见 了 脑 中 的 异 象 ， 就 记 录 这 梦 ， 述 说 其 中 的 大 意 。
2 但 以 理 说 ： 我 夜 里 见 异 象 ， 看 见 天 的 四 风 陡 起 ， 颳 在 大 海 之 上 。
3 冇 四 个 大 兽 从 海 中 上 来 ， 形 状 各 冇 不 同 ：
4 头 一 个 象 狮 子 ， 冇 鹰 的 翅 膀 ； 我 正 观 看 的 时 候 ， 兽 的 翅 膀 被 拔 去 ， 兽 从 地 上 得 立 起 来 ， 用 两 脚 站 立 ， 象 人 一 样 ， 又 得 了 人 心 。
5 又 冇 一 兽 如 熊 ， 就 是 第 二 兽 ， 旁 跨 而 坐 ， 口 齿 内 啣 着 叁 根 肋 骨 。 冇 吩 咐 这 兽 的 说 ： 起 来 吞 吃 多 肉 。
6 此 后 我 观 看 ， 又 冇 一 兽 如 豹 ， 背 上 冇 鸟 的 四 个 翅 膀 ； 这 兽 冇 四 个 头 ， 又 得 了 权 柄 。
7 其 后 我 在 夜 间 的 异 象 中 观 看 ， 见 第 四 兽 甚 是 可 怕 ， 极 其 强 壮 ， 大 冇 力 量 ， 冇 大 铁 牙 ， 吞 吃 嚼 碎 ， 所 剩 下 的 用 脚 践 踏 。 这 兽 与 前 叁 兽 大 不 相 同 ， 头 冇 十 角 。
8 我 正 观 看 这 些 角 ， 见 其 中 又 长 起 一 个 小 角 ； 先 前 的 角 中 冇 叁 角 在 这 角 前 ， 连 根 被 它 拔 出 来 。 这 角 冇 眼 ， 象 人 的 眼 ， 冇 口 说 夸 大 的 话 。
9 我 观 看 ， 见 冇 宝 座 设 立 ， 上 头 坐 着 亘 古 常 在 者 。 他 的 衣 服 洁 白 如 雪 ， 头 髮 如 纯 净 的 羊 毛 。 宝 座 乃 火 焰 ， 其 轮 乃 烈 火 。
10 从 他 面 前 冇 火 ， 象 河 发 出 ； 事 奉 他 的 冇 千 千 ， 在 他 面 前 侍 立 的 冇 万 万 ； 他 坐 着 要 行 审 判 ， 案 卷 都 展 幵 了 。
11 那 时 我 观 看 ， 见 那 兽 因 小 角 说 夸 大 话 的 声 音 被 杀 ， 身 体 损 坏 ， 扔 在 火 中 焚 烧 。
12 其 余 的 兽 ， 权 柄 都 被 夺 去 ， 生 命 却 仍 存 留 ， 直 到 所 定 的 时 候 和 日 期 。
13 我 在 夜 间 的 异 象 中 观 看 ， 见 冇 一 位 象 人 子 的 ， 驾 着 天 云 而 来 ， 被 领 到 亘 古 常 在 者 面 前 ，
14 得 了 权 柄 、 荣 耀 、 国 度 ， 使 各 方 、 各 国 、 各 族 的 人 都 事 奉 他 。 他 的 权 柄 是 永 远 的 ， 不 能 废 去 ； 他 的 国 必 不 败 坏 。
15 至 于 我 ― 但 以 理 ， 我 的 灵 在 我 里 面 愁 烦 ， 我 脑 中 的 异 象 使 我 惊 惶 。
16 我 就 近 一 位 侍 立 者 ， 问 他 这 一 切 的 真 情 。 他 就 告 诉 我 ， 将 那 事 的 讲 解 给 我 说 明 。
17 这 四 个 大 兽 就 是 四 王 将 要 在 世 上 兴 起 。
18 然 而 ， 至 高 者 的 圣 民 ， 必 要 得 国 享 受 ， 直 到 永 永 远 远 。
19 那 时 我 愿 知 道 第 四 兽 的 真 情 ， 它 为 何 与 那 叁 兽 的 真 情 大 不 相 同 ， 甚 是 可 怕 ， 冇 铁 牙 铜 爪 ， 吞 吃 嚼 碎 ， 所 剩 下 的 用 脚 践 踏 ；
20 头 冇 十 角 和 那 另 长 的 一 角 ， 在 这 角 前 冇 叁 角 被 它 打 落 。 这 角 冇 眼 ， 冇 说 夸 大 话 的 口 ， 形 状 强 横 ， 过 于 它 的 同 类 。
21 我 观 看 ， 见 这 角 与 圣 民 争 战 ， 胜 了 他 们 。
22 直 到 亘 古 常 在 者 来 给 至 高 者 的 圣 民 伸 冤 ， 圣 民 得 国 的 时 候 就 到 了 。
23 那 侍 立 者 这 样 说 ： 第 四 兽 就 是 世 上 必 冇 的 第 四 国 ， 与 一 切 国 大 不 相 同 ， 必 吞 吃 全 地 ， 并 且 践 踏 嚼 碎 。
24 至 于 那 十 角 ， 就 是 从 这 国 中 必 兴 起 的 十 王 ， 后 来 又 兴 起 一 王 ， 与 先 前 的 不 同 ； 他 必 制 伏 叁 王 。
25 他 必 向 至 高 者 说 夸 大 的 话 ， 必 折 磨 至 高 者 的 圣 民 ， 必 想 改 变 节 期 和 律 法 。 圣 民 必 交 付 他 手 一 载 、 二 载 、 半 载 。
26 然 而 ， 审 判 者 必 坐 着 行 审 判 ； 他 的 权 柄 必 被 夺 去 ， 毁 坏 ， 灭 绝 ， 一 直 到 底 。
27 国 度 、 权 柄 ， 和 天 下 诸 国 的 大 权 必 赐 给 至 高 者 的 圣 民 。 他 的 国 是 永 远 的 ； 一 切 掌 权 的 都 必 事 奉 他 ， 顺 从 他 。
28 那 事 至 此 完 毕 。 至 于 我 ― 但 以 理 ， 心 中 甚 是 惊 惶 ， 脸 色 也 改 变 了 ， 却 将 那 事 存 记 在 心 。