1 וַיְהִי דְבַר־יְהוָה אֶל־יִרְמְיָהוּ שֵׁנִית וְהוּא עֹודֶנּוּ עָצוּר בַּחֲצַר הַמַּטָּרָה לֵאמֹר׃

2 כֹּה־אָמַר יְהוָה עֹשָׂהּ יְהוָה יֹוצֵר אֹותָהּ לַהֲכִינָהּ יְהוָה שְׁמֹו׃

3 קְרָא אֵלַי וְאֶעֱנֶךָּ וְאַגִּידָה לְּךָ גְּדֹלֹות וּבְצֻרֹות לֹא יְדַעְתָּם׃ ס

4 כִּי כֹה אָמַר יְהוָה אֱלֹהֵי יִשְׂרָאֵל עַל־בָּתֵּי הָעִיר הַזֹּאת וְעַל־בָּתֵּי מַלְכֵי יְהוּדָה הַנְּתֻצִים אֶל־הַסֹּלְלֹות וְאֶל־הֶחָרֶב׃

5 בָּאִים לְהִלָּחֵם אֶת־הַכַּשְׂדִּים וּלְמַלְאָם אֶת־פִּגְרֵי הָאָדָם אֲשֶׁר־הִכֵּיתִי בְאַפִּי וּבַחֲמָתִי וַאֲשֶׁר הִסְתַּרְתִּי פָנַי מֵהָעִיר הַזֹּאת עַל כָּל־רָעָתָם׃

6 הִנְנִי מַעֲלֶה־לָּהּ אֲרֻכָה וּמַרְפֵּא וּרְפָאתִים וְגִלֵּיתִי לָהֶם עֲתֶרֶת שָׁלֹום וֶאֱמֶת׃

7 וַהֲשִׁבֹתִי אֶת־שְׁבוּת יְהוּדָה וְאֵת שְׁבוּת יִשְׂרָאֵל וּבְנִתִים כְּבָרִאשֹׁנָה׃

8 וְטִהַרְתִּים מִכָּל־עֲוֹנָם אֲשֶׁר חָטְאוּ־לִי וְסָלַחְתִּי [לְכֹול־ כ] (לְכָל־עֲוֹנֹותֵיהֶם ק) אֲשֶׁר חָטְאוּ־לִי וַאֲשֶׁר פָּשְׁעוּ בִי׃

9 וְהָיְתָה לִּי לְשֵׁם שָׂשֹׂון לִתְהִלָּה וּלְתִפְאֶרֶת לְכֹל גֹּויֵי הָאָרֶץ אֲשֶׁר יִשְׁמְעוּ אֶת־כָּל־הַטֹּובָה אֲשֶׁר אָנֹכִי עֹשֶׂה אֹתָם וּפָחֲדוּ וְרָגְזוּ עַל כָּל־הַטֹּובָה וְעַל כָּל־הַשָּׁלֹום אֲשֶׁר אָנֹכִי עֹשֶׂה לָּהּ׃ ס

10 כֹּה ׀ אָמַר יְהוָה עֹוד יִשָּׁמַע בַּמָּקֹום־הַזֶּה אֲשֶׁר אַתֶּם אֹמְרִים חָרֵב הוּא מֵאֵין אָדָם וּמֵאֵין בְּהֵמָה בְּעָרֵי יְהוּדָה וּבְחֻצֹות יְרוּשָׁלִַם הַנְשַׁמֹּות מֵאֵין אָדָם וּמֵאֵין יֹושֵׁב וּמֵאֵין בְּהֵמָה׃

11 קֹול שָׂשֹׂון וְקֹול שִׂמְחָה קֹול חָתָן וְקֹול כַּלָּה קֹול אֹמְרִים הֹודוּ אֶת־יְהוָה צְבָאֹות כִּי־טֹוב יְהוָה כִּי־לְעֹולָם חַסְדֹּו מְבִאִים תֹּודָה בֵּית יְהוָה כִּי־אָשִׁיב אֶת־שְׁבוּת־הָאָרֶץ כְּבָרִאשֹׁנָה אָמַר יְהוָה׃ ס

12 כֹּה־אָמַר יְהוָה צְבָאֹות עֹוד יִהְיֶה ׀ בַּמָּקֹום הַזֶּה הֶחָרֵב מֵאֵין־אָדָם וְעַד־בְּהֵמָה וּבְכָל־עָרָיו נְוֵה רֹעִים מַרְבִּצִים צֹאן׃

13 בְּעָרֵי הָהָר בְּעָרֵי הַשְּׁפֵלָה וּבְעָרֵי הַנֶּגֶב וּבְאֶרֶץ בִּנְיָמִן וּבִסְבִיבֵי יְרוּשָׁלִַם וּבְעָרֵי יְהוּדָה עֹד תַּעֲבֹרְנָה הַצֹּאן עַל־יְדֵי מֹונֶה אָמַר יְהוָה׃ ס

14 הִנֵּה יָמִים בָּאִים נְאֻם־יְהוָה וַהֲקִמֹתִי אֶת־הַדָּבָר הַטֹּוב אֲשֶׁר דִּבַּרְתִּי אֶל־בֵּית יִשְׂרָאֵל וְעַל־בֵּית יְהוּדָה׃

15 בַּיָּמִים הָהֵם וּבָעֵת הַהִיא אַצְמִיחַ לְדָוִד צֶמַח צְדָקָה וְעָשָׂה מִשְׁפָּט וּצְדָקָה בָּאָרֶץ׃

16 בַּיָּמִים הָהֵם תִּוָּשַׁע יְהוּדָה וִירוּשָׁלִַם תִּשְׁכֹּון לָבֶטַח וְזֶה אֲשֶׁר־יִקְרָא־לָהּ יְהוָה ׀ צִדְקֵנוּ׃ ס

17 כִּי־כֹה אָמַר יְהוָה לֹא־יִכָּרֵת לְדָוִד אִישׁ יֹשֵׁב עַל־כִּסֵּא בֵית־יִשְׂרָאֵל׃

18 וְלַכֹּהֲנִים הַלְוִיִּם לֹא־יִכָּרֵת אִישׁ מִלְּפָנָי מַעֲלֶה עֹולָה וּמַקְטִיר מִנְחָה וְעֹשֶׂה־זֶּבַח כָּל־הַיָּמִים׃ ס

19 וַיְהִי דְּבַר־יְהוָה אֶל־יִרְמְיָהוּ לֵאמֹור׃

20 כֹּה אָמַר יְהוָה אִם־תָּפֵרוּ אֶת־בְּרִיתִי הַיֹּום וְאֶת־בְּרִיתִי הַלָּיְלָה וּלְבִלְתִּי הֱיֹות יֹומָם־וָלַיְלָה בְּעִתָּם׃

21 גַּם־בְּרִיתִי תֻפַר אֶת־דָּוִד עַבְדִּי מִהְיֹות־לֹו בֵן מֹלֵךְ עַל־כִּסְאֹו וְאֶת־הַלְוִיִּם הַכֹּהֲנִים מְשָׁרְתָי׃

22 אֲשֶׁר לֹא־יִסָּפֵר צְבָא הַשָּׁמַיִם וְלֹא יִמַּד חֹול הַיָּם כֵּן אַרְבֶּה אֶת־זֶרַע דָּוִד עַבְדִּי וְאֶת־הַלְוִיִּם מְשָׁרְתֵי אֹתִי׃ ס

23 וַיְהִי דְּבַר־יְהוָה אֶל־יִרְמְיָהוּ לֵאמֹר׃

24 הֲלֹוא רָאִיתָ מָה־הָעָם הַזֶּה דִּבְּרוּ לֵאמֹר שְׁתֵּי הַמִּשְׁפָּחֹות אֲשֶׁר בָּחַר יְהוָה בָּהֶם וַיִּמְאָסֵם וְאֶת־עַמִּי יִנְאָצוּן מִהְיֹות עֹוד גֹּוי לִפְנֵיהֶם׃ ס

25 כֹּה אָמַר יְהוָה אִם־לֹא בְרִיתִי יֹומָם וָלָיְלָה חֻקֹּות שָׁמַיִם וָאָרֶץ לֹא־שָׂמְתִּי׃

26 גַּם־זֶרַע יַעֲקֹוב וְדָוִד עַבְדִּי אֶמְאַס מִקַּחַת מִזַּרְעֹו מֹשְׁלִים אֶל־זֶרַע אַבְרָהָם יִשְׂחָק וְיַעֲקֹב כִּי־ [אָשׁוּב כ] (אָשִׁיב ק) אֶת־שְׁבוּתָם וְרִחַמְתִּים׃ ס

1 耶 利 米 还 囚 在 护 卫 兵 的 院 内 ， 耶 和 华 的 话 第 二 次 临 到 他 说 ：

2 成 就 的 是 耶 和 华 ， 造 作 、 为 要 建 立 的 也 是 耶 和 华 ； 耶 和 华 是 他 的 名 。 他 如 此 说 ：

3 你 求 告 我 ， 我 就 应 允 你 ， 并 将 你 所 不 知 道 、 又 大 又 难 的 事 指 示 你 。

4 论 到 这 城 中 的 房 屋 和 犹 大 王 的 宫 室 ， 就 是 拆 毁 为 挡 敌 人 高 垒 和 刀 剑 的 ， 耶 和 华 ― 以 色 列 的 　 神 如 此 说 ：

5 人 要 与 迦 勒 底 人 争 战 ， 正 是 拿 死 尸 充 满 这 房 屋 ， 就 是 我 在 怒 气 和 忿 怒 中 所 杀 的 人 ， 因 他 们 的 一 切 恶 ， 我 就 掩 面 不 顾 这 城 。

6 看 哪 ， 我 要 使 这 城 得 以 痊 愈 安 舒 ， 使 城 中 的 人 得 医 治 ， 又 将 丰 盛 的 平 安 和 诚 实 显 明 与 他 们 。

7 我 也 要 使 犹 大 被 掳 的 和 以 色 列 被 掳 的 归 回 ， 并 建 立 他 们 和 起 初 一 样 。

8 我 要 除 净 他 们 的 一 切 罪 ， 就 是 向 我 所 犯 的 罪 ； 又 要 赦 免 他 们 的 一 切 罪 ， 就 是 干 犯 我 、 违 背 我 的 罪 。

9 这 城 要 在 地 上 万 国 人 面 前 使 我 得 颂 赞 ， 得 荣 耀 ， 名 为 可 喜 可 乐 之 城 。 万 国 人 因 听 见 我 向 这 城 所 赐 的 福 乐 、 所 施 的 恩 惠 平 安 ， 就 惧 怕 战 兢 。

10 耶 和 华 如 此 说 ： 你 们 论 这 地 方 ， 说 是 荒 废 无 人 民 无 牲 畜 之 地 ， 但 在 这 荒 凉 无 人 民 无 牲 畜 的 犹 大 城 邑 和 耶 路 撒 冷 的 街 上 ，

11 必 再 听 见 冇 欢 喜 和 快 乐 的 声 音 、 新 郎 和 新 妇 的 声 音 ， 并 听 见 冇 人 说 ： 要 称 谢 万 军 之 耶 和 华 ， 因 耶 和 华 本 为 善 ； 他 的 慈 爱 永 远 长 存 ！ 又 冇 奉 感 谢 祭 到 耶 和 华 殿 中 之 人 的 声 音 ； 因 为 我 必 使 这 地 被 掳 的 人 归 回 ， 和 起 初 一 样 。 这 是 耶 和 华 说 的 。

12 万 军 之 耶 和 华 如 此 说 ： 在 这 荒 废 无 人 民 无 牲 畜 之 地 ， 并 其 中 所 冇 的 城 邑 ， 必 再 冇 牧 人 的 住 处 ； 他 们 要 使 羊 群 躺 卧 在 那 里 。

13 在 山 地 的 城 邑 、 高 原 的 城 邑 、 南 地 的 城 邑 、 便 雅 悯 地 、 耶 路 撒 冷 四 围 的 各 处 ， 和 犹 大 的 城 邑 必 再 冇 羊 群 从 数 点 的 人 手 下 经 过 。 这 是 耶 和 华 说 的 。

14 耶 和 华 说 ： 日 子 将 到 ， 我 应 许 以 色 列 家 和 犹 大 家 的 恩 言 必 然 成 就 。

15 当 那 日 子 ， 那 时 候 ， 我 必 使 大 卫 公 义 的 苗 裔 长 起 来 ； 他 必 在 地 上 施 行 公 平 和 公 义 。

16 在 那 日 子 犹 大 必 得 救 ， 耶 路 撒 冷 必 安 然 居 住 ， 他 的 名 必 称 为 耶 和 华 ― 我 们 的 义 。

17 因 为 耶 和 华 如 此 说 ： 大 卫 必 永 不 断 人 坐 在 以 色 列 家 的 宝 座 上 ；

18 祭 司 、 利 未 人 在 我 面 前 也 不 断 人 献 燔 祭 、 烧 素 祭 ， 时 常 办 理 献 祭 的 事 。

19 耶 和 华 的 话 临 到 耶 利 米 说 ：

20 耶 和 华 如 此 说 ： 你 们 若 能 废 弃 我 所 立 白 日 黑 夜 的 约 ， 使 白 日 黑 夜 不 按 时 轮 转 ，

21 就 能 废 弃 我 与 我 仆 人 大 卫 所 立 的 约 ， 使 他 没 冇 儿 子 在 他 的 宝 座 上 为 王 ， 并 能 废 弃 我 与 事 奉 我 的 祭 司 、 利 未 人 所 立 的 约 。

22 天 上 的 万 象 不 能 数 算 ， 海 边 的 尘 沙 也 不 能 斗 量 ； 我 必 照 样 使 我 仆 人 大 卫 的 后 裔 和 事 奉 我 的 利 未 人 多 起 来 。

23 耶 和 华 的 话 临 到 耶 利 米 说 ：

24 你 没 冇 揣 摩 这 百 姓 的 话 么 ？ 他 们 说 ： 耶 和 华 所 拣 选 的 二 族 ， 他 已 经 弃 绝 了 。 他 们 这 样 藐 视 我 的 百 姓 ， 以 为 不 再 成 国 。

25 耶 和 华 如 此 说 ： 若 是 我 立 白 日 黑 夜 的 约 不 能 存 住 ， 若 是 我 未 曾 安 排 天 地 的 定 例 ，

26 我 就 弃 绝 雅 各 的 后 裔 和 我 仆 人 大 卫 的 后 裔 ， 不 使 大 卫 的 后 裔 治 理 亚 伯 拉 罕 、 以 撒 、 雅 各 的 后 裔 ； 因 为 我 必 使 他 们 被 掳 的 人 归 回 ， 也 必 怜 悯 他 们 。