14 आप्पुड येशुड कुष्ठरोग्यालक सुशा, आप्पुड वाड वान आन्या, "फोंडा इंका स्वतःक याजकालकी सुपंडा." वार याजकदेग्गारा फोय्येद आप्पुडच शुद्ध आय्यीर,*17:14 लेवी 14:2-3 15 यप्पुड वारतूट वगाड सुशा कि मनाम बागा आयीनाम आप्पुडवाड वापस वच्च्या इंका वाड बेग्याता किरलीगेश द्यावारदि गौरव शेयदेंक आंट्या. 16 वाड येशुंदी कालदेगारा किंदा फड्या इंका वान्द वान्क काळ मोक्या. आळेच वाड वान्दी उपकार मानाश्या. वाड वगा शोमरोनीड देश्मोड उंड्या. 17 येशुड वान आन्या, "फदीजण शुद्ध कालेर येम? इंकातोमिद मन्दी यंद उनार?" 18 इ विदेशी मन्शीशिवाट यवारबी द्यावरदि गौरव शेयदेंक वापस दालेड येम? 19 वाड वान आन्या, "लय इंका फो, नीद विश्वास नीनु बागा शेशिनाद."