24 ಯೆಹೂದ್ಯರ್ ಹಾತೇಥಿ ಪಾಚ಼್ ವಖ್ಹತ್ ನೌ ಉಪ್ಪರ್ ಡೋಡಿಖ್ಹ್ ಕೊಲ್ಡಾನ ಮಾರ್ ಖೈರಾಖ್ಯೋಸ್. 25 ತೀನ್ಹಲ್ಲ ಕೊಲ್ಡಾನಿ ಮೂಟ್ಥಿ ಕೂಟೈಲಿಧೊ. ಏಕ್ ವಖ್ಹತ್ ಮನ ಮಾರಿನಾಖಾನ ಬಂಡೊಫೇಕ್ಯು. ತೀನ್ವಖ್ಹತ್ ಮೇ ವಳ್ಯೊಜಾ಼ತೊಥೋತೆ ಜ಼ಹಾಜ಼್ ಫುಟೀಗಿ. ಏಕ್ ರಾತ್ ಏಕ್ದನ್ ಮೇ ದರ್ಯಾವ್ಪರ್ ತೇಲ್ತೊಫಂಡ್ಯೊ. 26 ಗಾಮ್ಥಿ ಗಾಮ್ ಚಾ಼ಲ್ತೋಸ್ ರ್ಹಯೊ. ನದ್ದಿಯೇಥಿ ಖತ್ರ, ವಾಟ್ಪರ್ ಚೋ಼ರ್ಥಿ ಖತ್ರ, ಯೆಹೂದ್ಯರ್ ಅಜು಼ ಯೆಹೂದ್ಯರ್ಕಾಹೆತೆ ಅದ್ಮಿಥಿ ಖತ್ರ, ಖ್ಹಯೇರ್ಮ ಖತ್ರ, ಭಾರ್ಲ್ಯ ತಬರ್ಖಾವ್ಮ ಖತ್ರ, ದರ್ಯಾವ್ಮ ಖತ್ರ, ಅಜು಼ ಝೂ಼ಟ ಭಯೇಥಿ ಖತ್ರ ಅಖ್ಖಾಸ್ಮ ಮೇ ಖ್ಹಾಮೆ ಹುಯೊ. 27 ಮೇ ಖ್ಹತೀನ್ ರಾಬ್ಯೊ. ಕೆತ್ರಿಕ್ಕಿ ವಖ್ಹತ್ ನಿಂದರ್ಕೋಲಿದೋನಿ. ಭುಕ್ ಠೋಖ್ಹ್ ಶಾತ್ಕರಿ ಮಾಲುಮ್ ಕರಿಲಿದೊ. ಖಾಣುಕೊಂತೆ ಕೆತ್ರಿಕ್ಕಿ ವಖ್ಹತ್ ಪಟ್ನಿ ಪಡ್ಯೊರ್ಹಯೊ. ಬರೋಬರ್ನು ಲುಂಗ್ಡುಕೊಂತೆ ಠಣ್ಮ ಕಾಪ್ತೊ ರ್ಹಿಯೊ.
Publicidade
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)