ನವು ಸೊರ್ಗ ಅಜು಼ ನವಿ ಧರ್ತಿ
1 ಇನ ಪಾಛ಼ಳ್ ಮೆ ನವು ಸೊರ್ಗ ಅಜು಼ ಜ಼ಮೀನ್ನ ದೇಖ್ಯೊ. ಪಹಿಲೇನು ಆಕಾಶ್ ಅಜು಼ ಪಹಿಲೇನು ಜ಼ಮೀನ್ಕೊಂತೆ ಹುಯಿಗಯು. ಹಿಜ್ಜಾ಼ ದರ್ಯಾವ್ಬಿ ಕೋಥೂನಿ. 2 ಅತ್ರೇಸ್ ಕಾಹೆತೆ ಸೊರ್ಗಾಥು ಪರಿಶುದ್ ನಂಗರ್ ಯೆರೂಸಲೇಮ್ ದೇವ್ಕಂಥು ಉತ್ರಿ ಆವನು ಮೇ ದೇಖ್ಯೊ. ಯೋ ಇನ ಬಾವ್ರಿನಖ್ಹಾಜೆ ತಯಾರ್ ಹುಯಿರ್ಹವಾಳಿ ವ್ಯತುಲ್ಡಿನಿ ಘೋಣಿ ಶನ್ಗಾರ್ ಹುಯಿರ್ಹುಥು. 3 ಆ ನಾಹುಯಿನ್ ಸಿಂಹಾಸನ್ಥು ಏಕ್ ಮೋಟು ಅವಾಜ಼್ ಮೆ ಖ್ಹಮ್ಜೊ. ಯೊ ಅವಾಜ಼್ ದೇಖೊ, ದೇವ್ನು ಘರ್ ಅದ್ಮಿನಿ ಜೋ಼ಡ್ಮ ಛಾ಼. ಯೊ ಇವ್ಣಿ ಜೋ಼ಡ್ಮರ್ಹಿಷೆ. ಇವ್ಣೆ ಇನವಾಳ ಹುಯಿರ್ಹಿಷೆ ಅಜು಼ ಯೊ ಇವ್ಣೊ ದೇವ್ ಹುಯಿರ್ಹಿಷೆ. 4 ಯೊ ಇವ್ಣ ಆಂಝಾ಼ನ ನೂಛಿನಾಕ್ಷೆ. ಹಿಜ್ಜಾ಼ ಪಾಛು಼ ಮರಣ್ ರ್ಹಿಶೆಕೊಯ್ನಿ, ಪಾಛು಼ ದುಖ್ ರ್ಹಿಶೆಕೊಯ್ನಿ, ಖ್ಹರಪ್ಗೋಳ್ ಕೊರ್ಹಿಶೇನಿ, ಅಜು಼ ವದೇಖ್ಹೊ ಕೊರ್ಹಿಶೇನಿ ಜೂ಼ನೊ ಮಾರಗ್ಖ್ಹಾರು ಚ಼ಲಿಗಯು" ಕರಿ ಬೋಲ್ಯು.
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)