Apocalipse 21

10 ಯೊ ದೇವ್ನದೂತನೆ ಪವಿತ್ರಾತ್ಮಾಥಿ ದಾಬುಕ್ಮ ಥೋತೆ ಮನ, ಘಣೊಮೋಟೊ ಅಜು಼ ಊಚೊ಼ ಪಹಡ್‌ಕನ ಲೀಜೈ಼ನ್, ಪರಿಶುದ್ ಖ್ಹಯೇರ್ ಯೆರೂಸಲೇಮ್, ಸೊರ್ಗಮಾಥು ದೇವ್‌ಕಂಥು ಉತ್ರಿ ಉಳ್ಯಾವತೆ ಯೊ ಮನ ವತಾಳ್ಯೊ. 11 ಯೋ ಖ್ಹಯೇರ್ ದೇವ್ನಿ ಶಕಥ್ಥಿ ಉಜಾ಼ಖ್ಹ್‌ ದೆವ್‌ಕರ್ತೋಥೊ. ಅಜು಼ ಝ಼ಗೇಗುಕರಾತೆ ವಜ್ರನಿತರ ಉಜಾ಼ಖ್ಹ್‌ ದೆವ್‌ಕರ್ತೋಥೊ. ಘಣ ಮೋಲ್ನ ಐರಾನಿತರ ಜ಼ಮ್ಕು ಕರ್ತುಥು. 12 ಯೋ ಖ್ಹಯೇರ‍್ನ ಊಚು಼ ಭೀತ್ ತು. ಯೋ ಅಖ್ಖಾ ಬಾಕಲ್‍ಕನ ದೇವ್‌ದೂತರ್‌ ಥಾ. ಅಖ್ಖಾನ ಬಾಕಲ್‌ನ ಉಪ್ಪರ್ ಇಸ್ರಾಯೇಲ್‌ನು ಭಾರ ಖೂಮ್ನು ನಾಮ್ ಲೀಖೈರ‍್ಹೂಥು. 13 ಪೂರಬ್ ದಿಕ್ಮ ತೀನ್ ಬಾಕಲ್, ಉತ್ತರ್ ದಿಕ್ಮ ತೀನ್ ಬಾಕಲ್, ದಕ್ಷಿಣ್ ದಿಕ್ಮ ತೀನ್ ಬಾಕಲ್, ಪಶ್ಚಿಮ್ ದಿಕ್ಮ ತೀನ್ ಬಾಕಲ್‌ಥು. 14 ಯೋ ಖ್ಹಯೇರ‍್ನು ಭೀತ್‌ನ ಭಾರ ಹದಿಪಾಯನುಬಂಡೊ ಥು. ಇನಪರ್ ಮೇಂಢಾನು ಚೆಲ್ಕಾನು ಭಾರಜ಼ಣ ಅಪೊಸ್ತಲರ‍್ನು ನಾಮ್ ಥು.