10 ಪೌಲನೆ ಯೊ ದರ್ಶನ್ ದೇಖಿನ್, ತದ್ನು ತದೇಸ್ ಹಿಜ಼್ಜಾನ ಅದ್ಮಿನ ಸುವಾರ್ತೆನ ಖ್ಹಮ್ಜಾ಼ಡಾನಖ್ಹಾಜೆ ದೇವ್ನೆ ಹಮೂನ ಬುಲೈರಾಖ್ಯೊಸ್ ಕರಿ ಮಾಲುಮ್ ಕರಿಲಿನ್ ಮೆಕೆದ್ಯೋನ್ಯನ ಜಾ಼ವಾನ ಇವ್ಣೆ ತಯಾರ್ ಹುಯ.
ಫಿಲಿಪ್ಪಿಮ ಲಿಡಿಯಾನಿ ದಿಲ್ ಬದಲಾವ್ಣಿ
11 ಹಮೆ ತ್ರೋವಥು ಜ಼ಹಾಜ಼್ ಚ಼ಢೀನ್ ಸಮೊಥ್ರಾ ಐನ್, ಬಿಜೇಕ್ ದನ್ನೆ ನೆಯಾಪೊಲಿ ಖ್ಹಯೇರ್ನ ಪೋಚಿನ್ ಹಿಜ್ಜಾ಼ಥ ಫಿಲಿಪ್ಪಿನ ಆಯ. 12 ಫಿಲಪ್ಪಿಕರಿ ಬೋಲಾನು ಮೆಕೆದೋನ್ಯನು ಖ್ಹಯೇರ್ ಹುಯಿರ್ಹುಥು. ರೋಮ್ವಾಳಾನು ರ್ಹವಾನು ಝ಼ಗೋ ಹುಯಿರ್ಹೀಥಿ. ಹಜ್ಜಾ಼ ಥೋಡ ದನ್ ರ್ಹಯ. 13 ಖ್ಹಯೇರ್ನ ಭಾರ್ ಥೂತೆ ನದ್ದಿನ ಕನಾರಿನ ಖನ್ನೆ ಯೆಹೂದ್ಯರ್ನು ಪ್ರಾರ್ಥನೆನಿ ಝ಼ಗೊರ್ಹೆವ್ಣುಕರಿ ಸಬ್ಬತ್ ದನ್ಮ ಹಿಜ್ಜಾ಼ಗಯಾಥ. ಹಿಜ್ಜಾ಼ ಥೋಡಿ ತಯೇಡ ಅಯಿರ್ಹೀಥಿ. ತದೆ ಹಮೆ ಬೇಶಿನ್ ಇವ್ಣೇಥಿ ವಾತೆ ಬೋಲ್ಯ. 14 ಹಮಾರಿ ಬೋಧನೆ ಖ್ಹಮ್ಜ್ಯುತೆ ತಯೇಡಾವ್ಮ ಲಿಡಿಯಾಬಿ ಏಕ್ಜ಼ಣಿ. ಆ ಹೈರಿತೆ ಥುವತೈರ ಖ್ಹಯೇರ್ವಾಳಿ; ಹೈರಿತೆ ರಾಯಿಜಾ಼ಮಣ್ಣ ರಂಗ್ನು ಲುಂಗ್ಡು ವೇಚಿನ್ ಧಂದೊ ಕರಾವಾಳಿ ಹುಯಿರ್ಹೀಥಿ. ಆ ಖ್ಹಾಚ ದೇವ್ನ ಆರಾದನೆ ಕರ್ತೀಥಿ. ಪೌಲನ ಬೋಧನೆನ ಕಾನ್ಜೋ಼ಡಿ ಖ್ಹಮ್ಜಾ಼ನಿತರ ಪ್ರಭುನೆ ಇನ ದಿಲ್ನ ಛೋ಼ಡಾಯೊ. ಪೌಲನೆ ಬೋಲ್ಯೊತೆ ಖ್ಹಾರು ಇನೆ ವಿಶ್ವಾಸ್ಕರಿ. 15 ಲಿಡಿಯ ಅಜು಼ ಇನ ಘರ್ಮಥೂತೆ ಖ್ಹಾರುಜ಼ಣು ಬ್ಯಾಪ್ತಿಸ್ಮ ಕರೈಲಿದು. ಇನೆ, "ಪ್ರಭುನಿ ಖ್ಹಾಚ ವಿಶ್ವಾಸಿಕರಿ ತೀರ್ಮಾನ್ ಕರ್ತ ಉಷೇತೊ, ಹಮಾರ ಘರ್ಮ ಐನ್ ರ್ಹವೊ" ಕರಿ ಗಿಂಗೈನ್ ಹಮೂನ ಜು಼ಲಮ್ಕರಿ.
ಖ್ಹಾರ್ಕೊಟ್ಮ ಪೌಲಬಿ ಸೀಲ
16 ಏಕಹಲ್ಲ, ಹಮೆ ಪ್ರಾರ್ಥನೆ ಝ಼ಗೋನ ಜಾ಼ವಾನಿ ವೇಳ್ಮ ಗಾರೋಡಿನಿ ಏಕ್ಜ಼ಣಿ ದಾಸಿ ಹಮಾರ ಖ್ಹಾಮ್ಣೆ ಆಯಿ. ಯೊ ಫಾಲ್ಬೋಲ್ಥೀತೆ ಇನೇಥಿ ಇನೊ ಯಜಮಾನ್ನ ಘಣು ನಫ್ಫೊ ಹೋತುಥು. 17 16:17 ಆದಿಕಾಂಡ 14:22ಪೌಲಬಿನ್ ಹಮೆ ಜಾ಼ವನಿವಖ್ಹ್ತೆ, ಯೊ ಚಿಕ್ರಿ ಬೋಲ್ತಿಹುಯಿನ್, "ಆ ಅದ್ಮಿಖ್ಹಾರು ಘಣೊಊಚೊ಼ ದೇವ್ನು ಸೇವಕ್ ಹುಯಿರ್ಹಾಸ್; ತುಮಾರ ಜಾನ್ನ ರಕ್ಷಣೆನು ಮಾರಗ್ನ ಅವ್ಣೆ ಬೋಲುಕರಸ್" ಕರಿ ಬೋಲ್ತಿ ರ್ಹೇತಿಥಿ.
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)