ಕೊಲೊಸ್ಸೆ 1

ಕ್ರಿಸ್ತನು ಅದ್ಮಿ ಅಜು಼ ಇನು ಕಾಮ್

15 ಕ್ರಿಸ್ತ ದೇಖಾವಕೊಂತೆ ದೇವ್‌ನೊ ರೂಪ್, ಖ್ಹಾರೀಸ್‍ ಉಬ್‍ಜಾ಼ವ್ಣಿಮ ಫೈಲೋಟೋ ಛಿಯ್ಯೋಬಿ ಹುಯಿರ‍್ಹೋಸ್. 16 ಶನಕತೊ ಜ಼ಮೀನ್ಮ ಛಾ಼ತೆ ಪರ್‌ಲೋಕ್ಮ ಛಾ಼ತೆ, ದೆಖಾವತೆ ಬಿಣ್‍ದೆಖಾವಾತೆ ಖ್ಹಾರೂಸ್, ಸಿಂಹಾಸನ್ ರ‍್ಹವೊ, ದೇಖ್ಹ್‌ಮ ರ‍್ಹವಾನಿ ಕಾನೂಲ್‌ ರ‍್ಹವೊ, ಅದಿಕಾರಿಖ್ಹಾರು ರ‍್ಹವೊ, ಇನೇಥಿ ಉಬ್‍ಜು. ಖ್ಹಾರೂಸ್‍ಬಿ ಇನೇಥಿಸ್, ಇನಖ್ಹಾಜೇಸ್ ಉಬ್‍ಜೈ಼ಗಯು. 17 ಯೋ ಖ್ಹಾರೇಥಿಸ್ ಪಹಿಲೆ ಥೋತೆ, ಇನಾಮ ತಮಾಮಸ್ ಛಾ಼. 18 ಸಬೆಕರಿ ಶರೀರ್‌ನ ಯೋ ಮುಡ್‌ಕ್ಯು ಹುಯಿರ‍್ಹೋಸ್. ಯೋಸ್ ಪಹಿಲೊ ಹುಯಿರ‍್ಹಿನ್ ಖ್ಹಾರಮಸ್ ಪಹಿಲೆ ರ‍್ಹವಾಳೊ ಹುಯಿನ್ ಯೋ ಮರ‍್ಯಾಹುಯಾಮಾಥು ಆಯೋತೆ ಫೈಲೋಟೊಬಿ ಹುಯಿರ‍್ಹೊಸ್. 19 ಶನಕತೊ ಇನಾಮಸ್ ಅಖ್ಖು ರ‍್ಹೇವ್ಣುಕರಿ, 20 ಅಜು಼ ಯೋ ಶಿಲ್‌ಬೇಪರ್ ರಂಚ್ಯೊತೆ ಲ್ಹೊಯಿಥಿ ಯೋ ಸಮಾಧಾನ್ನಬಣೈನ್‍ ಧರ್ತಿಬಿ ಪರಲೋಕ್‌ಮ ಅಖ್ಖಾಸ್ನ ಛಿಯ್ಯಾಥಿಸ್ ಇನಿ ಜೋ಼ಡ್ಮ ರಾಜಿಕರಾನು ಬಾ ದೇವ್ನಿ ಖ್ಹೂಜ಼್‌ ಹುಯಿರ‍್ಹೀಥಿ.