ಕ್ರಿಸ್ತಮ ಏಕ್
11 ಪೈದಾಖ್ಹ್ ಥು ಯೆಹೂದ್ಯರ್ಕಾಹೆತೆ ತುಮೆ ಯೆಹೂದ್ಯರ್ಥಿ ಖ್ಹತ್ನ ಕರೈಲಿದ ಕೊಯ್ನಿತೆ ಹಮಾರು ಹಮೇಸ್ ಖ್ಹತ್ನ ಕರೈಲಿದಹುಯ ಕರಿ ಬೋಲಿಲೆವೊಸ್. ಅಗ್ಗಳ್ ತುಮೆ ಶಾತ್ ಹುಯಿರ್ಹಾಥಕರಿ ಯಾದ್ಕರಿಲಾವನ ಖ್ಹಾಜೆ ಪರ್ಖ್ಹಾ ಅದ್ಮಿ ಇವ್ಣ ಶರೀರ್ಮ ಹುಯಿರ್ಹಾವನು ಆ ಏಕ್ ಕಾಮ್ ಹುಯಿರ್ಹುಸ್. 12 ತ್ಯೊ ಹಗಾಮ್ಮ ತುಮೆ ಕ್ರಿಸ್ತಥಿ ಅಲಕ್ ಹುಯಿರ್ಹಾಥ, ಇಸ್ರಾಯೇಲ್ವಾಳಾನಿ ಹಕ್ಮ ಕೊಹುಯಿರ್ಹಾಥಾನಿ. ದೇವ್ ಇನ ಅದ್ಮಿನ ಜೋ಼ಡೆ ವಾಗ್ದಾನ್ ಕರಿರಾಖ್ಯೊತೆ ಒಪ್ಪಂದಾಮ ತುಮೆ ವಾಟೊ ಹುಯಿರ್ಹಾಥ ಕೊಯ್ನಿ ಅಜು಼ ತುಮೆ ಆ ಜಗತ್ನ ಭರೋಖ್ಹಾಮ ಥಾ. ಅಜು಼ ತುಮೆ ದೇವ್ನ ಮಾಲುಮ್ ಕರಿರಾಖ್ಯಥಕೊಯ್ನಿ. 13 ಹಮ್ಕೆ ತುಮೆ ಏಕ್ ಘಡಿ,ದೇವ್ಥಿ ದೂರ್ ಹುಯಿರ್ಹಾಥ. ಕ್ರಿಸ್ತ ಯೇಸುನ ಲ್ಹೋಯಿಥೀಸ್ ಇನ ಗಳ್ಜೋ಼ಡ್ ಹುಯಿಗಾತೆ ಇನಖ್ಹಾಜೆ ದೇವ್ನ ಖನ್ನೆ ಅಪ್ಣುನ ಲೈರಾಖ್ಯಸ್.
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)