Filipenses 2

ಜಗತ್‌ಮ ಉಜಾ಼ಳನಿತರ ಉಜಾ಼ಖ್ಹ್‌ದ್ಯವಾನು

12 ಅಮ್ ರ‍್ಹವಾಪರ್ ಮಾರ ಪ್ಯಾರ್‌ನ ದೋಸ್ತಿವೊ, ತುಮೆ ಮಾರಿ ವಾತೇನ ಕೆದೇಬಿ ಪಾಡಿಚಾ಼ಲ್ಯತೆ ತಿಮ್ ಹಮ್ಕೇಬಿ ಪಾಡಿಚಾ಼ಲೊ. ಮೆ ತುಮಾರಮ ರ‍್ಹವಾನಿವಖ್ಹ್‌ತೆಸ್ ಖಲಿಕಾಹೆತೆ, ಮೇ ನಾ ರ‍್ಹವಾಮಾಬಿ ಘಣು ಜಾ಼ಖ್ಹತ್ ದಿಲ್ಮ ಡರ್‌ಥಿ ಕಾಪವಾಳ ಹುಯಿನ್ ತುಮಾರಿ, ತುಮಾರಿ ರಕ್ಷಣೆನ ಲೀಲೆವೊ. 13 ಶನಕತೊ ದೇವಸ್ ಇನಿಮರ್ಜಿನ ಚ಼ಲಾವ್ಣುಕರಿ ತುಮಾರಮ ಉದ್ದೇಶ್‌ನಾಬಿ ಅಜು಼ ಕೋಶಿಶ್‌ನ ಬಣಾವವಾಳೊ ಹುಯಿರೋಸ್. 14 ಭಣಕ್ಣುನಾತೇಬಿ, ಆಡಫೇಡ್ ನಾ ಬೋಲ್ನುತೆ ಖ್ಹಾರು ಕರೊ. 15 ಅಮ್ ತುಮೆ ದೋಷ್‌ನಾರ‍್ಹವಾಳಬಿ ಅಜು಼ ದೇವ್ನ ಧೋಬೆಡಾದಿಲ್ನ ಲಡ್ಕಹುಯಿನ್ ಮೋಂಡ್‍ಖ್ಹಯಾಲ್‍ನ ಅಜು಼ ಪಾಪ್‌ಮ ರ‍್ಹವಾಳ ಜಗತ್ನ ಅದ್ಮಿವೊನ ಬೀಚ್ಮ ಮೈಲುಕೊಂತೆ ದೇವ್ನ ಲಡ್ಕ ಹುಯಿರ‍್ಹಿಶು.✝2:15 ಧರ್ಮೊ 32:5 16 ಅವ್ಣ ಮಹಿ ತುಮೆ ಹರೇಕ್‌ನಾಬಿ ಜಾನ್‌ರ‍್ಹವಾನು ವಚನ್ನ ವತಾಳವಾಳ ಹುಯಿರ‍್ಹಿನ್, ಜಗತ್‌ಮ ಝ಼ಮ್ಕಾನ ಶುಕ್ಕರ್‌ನಿಮತ್ ದೆಖಾವ್‌ಶು. ತುಮೆ ಅಮ್‍ಚಾ಼ಲ್ಯಾತೊ ಮಾರಿ ಸೇವೆ ಬಿಣ್‌ಫಾಯಿದಾನು ಕಾಹೆ, ಮೇ ವದೇಖ್ಹ್‌ ಪಡ್ಯೋತೆ ಫಾಯಿದೊಸ್‌ಕರಿ ಬೋಲಾನಿ ಖ್ಹರಾವ್ಣಿ ಕ್ರಿಸ್ತಾನ ದನ್ಮ ಮನಮಳ್‌ಷೆ.