5 ಲಡ್ಕಾವ್ನ ಬೋಲಾನಿತರ ತುಮುನ ಬೋಲಿನ್ ಹುಮ್ಮಖ್ಹ್ನಿ ವಾತೆವ್ನ ಭೈಕಿಗಯಕಿಶು? ಯೊ ಶಾತ್ಕತೊ ಮಾರ ಛಿಯ್ಯಾ ಪ್ರಭುನಿ ನಿಶತ್ ಝಿಟ್ಕಾರ್ ನಕೊ. ಯೊ ತುನ ಗುರ್ಕಾವನಿ ವಖ್ಹ್ತೆ ಬೇಜಾರ್ ನಕೊಕರ್. 6 ಶನಕತೊ ಪ್ರಭು ಕಿನಕಿನ ಪ್ಯಾರ್ ಕರಾಸ್ಕಿ ಇವ್ಣುನ ನಿಶತ್ ದೇಸ್. ಇನೊ ಛಿಯ್ಯಾನಿಘೋಣಿ ಸ್ವೀಕಾರ್ ಕರಸ್ತೆ ಹರೇಕ್ನಾಬಿ ದಾಬುಕ್ ದೇಸ್ಕರಿ ಛಾ಼.12:6 ಜ್ಞಾನೋಕ್ತಿ 3:11-12 7 ತುಮೆ ಅಛ್ಛಿನಿತರ ರ್ಹವಾನ ಖ್ಹಾಜೆಸ್ ನಿಶತ್ನ ಖ್ಹಮಾಳಿ ರ್ಹವೊ. ದೇವ್ ತುಮುನ ಲಡ್ಕಾಕರಿ ಚ಼ಲಾವಸ್. ಶನಕತೊ ಬಾಥಿ ಮಾರ್ ಕೊಖಾಯ್ನಿತೆ ಛಿಯ್ಯೊ ಕಿಜ್ಜಾ಼ ಛಾ಼? 8 ಅಖ್ಖಾಸ್ಜ಼ಣನ ಹೋಣುತೆ ನಿಶತ್ಮ ಭಾಗ್ಲ್ಯವಾಳ ನಾಹುಯುತೊ ತುಮೆ ವ್ಯಬಿಚಾರ್ಥಿ ಪೈದಾಹುಯ ಪಣ್ಕಿ ಇನ ಲಡ್ಕಕಾಹೆ. 9 ಆಸ್ ಕಾಹೆತೆ ಅಪ್ಣುನ ದಾಬುಕ್ ದಿದಾತೆ ಲೋಕಾನ ಆಯಬಾನ ಅಪ್ಣೆ ಮರ್ಯಾದಿ ದಿಯೇಸ್ನಿ. ಇಮ್ಮಸ್ ಅಪ್ಣ ಆತ್ಮವ್ನ ಬಾ ಹುಯಿರ್ಹವಾಳನ ಅಪ್ಣೆ ಬಿಜೂ಼ಬಿ ಜಾ಼ಖ್ಹತ್ ಅಧೀನ್ಹುಯಿನ್ ಬಚಿನಾರ್ಹೇವ್ಣು ಕಿಶು?
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)