11 ಕತೋಬಿ ಕ್ರಿಸ್ತ ಯೇಸು ತದೇಸ್ ಮಹಾಯಾಜಕ್ ಹುಯಿನ್ ಐರ್ಹೋಸ್. ಯೋ ದ್ಯವಾನು ಅಛ಼್ಛು ಫಲ್ ಖ್ಹಾರು ತದ್ನು ತದೇಸ್ ಅಪ್ಣುನ ಛ಼. ಯೊ ಸೇವೆ ಕರುಕರಸ್ತೆ ಡೇರಾನ ಘರ್ಮ ಅಗ್ಗಳ್ಥಿಬಿ ಜಾ಼ಖ್ಹತ್ ಮಹಾನ್ ಅಜು಼ ಭರ್ಪೂರ್ ಹುಯಿರ್ಹುಸ್. ಆ ಅದ್ಮಿನ ಹಾತೇಥಿ ಭಾಂದಿಹುಯು ಕಾಹೆ. ಆ ಲೋಕ್ನು ಉಬ್ಜಾ಼ವ್ಣಿನ ಕಾಹೆ. 15 ಅನಖ್ಹಾಜೇಥಿ ದೇವ್ಥಿ ಬುಲಾಯೂತೆ ಅದ್ಮಿ ದೇವ್ನಿ ವಾಗ್ದಾನ್ ಹುಯಿರ್ಹುತೆ ಹಮೇಶಾನು ವಾರ್ಖ್ಹೊ ಲೀಲೆವ್ಣುಕರಿ ಕ್ರಿಸ್ತನೆ ಆ ನವ ಒಪ್ಪಂದನ ಮಳಾವವಾಳೊ ಹುಯಿರ್ಹೊಸ್. ಶನಕತೊ ಪಹಿಲಿ ಒಪ್ಪಂದನ ಹಗಾಮ್ಮ ಕರ್ಯುತೆ ಗಲ್ತಿನಖ್ಹಾಜೆ ಇವ್ಣುನ ಛುಟ್ಕಾರ್ ಕರಾನಖ್ಹಾಜೆ ಕ್ರಿಸ್ತ ಮರಣ್ ಲಿದೊ.
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)