20 "ಮೆ ಖಲಿ ಅವ್ಣಖ್ಹಾಜೆಸ್ ಕಾಹೆ, ಕೋಣ್ ಅವ್ಣ ಸಂದೇಶ್ಥಿ ವಿಶ್ವಾಸ್ ಕರಾಸ್ಕಿ ಇವ್ಣಖ್ಹಾಜೆಬಿ ಪ್ರಾರ್ಥನೆ ಕರುಸ್. 21 ಬಾ ತುನೆ ಮನ ಮೋಕ್ಲ್ಯೊತೆ ಆ ಜಗತ್ ನಂಬಾನಖ್ಹಾಜೆ, ತೂ ಮಾರಾಮ ಅಜು಼ ಮೇ ತಾರಾಮ ಛೂ಼ತೆ ಇಮ್ಮಸ್ ಅವ್ಣೇಬಿ ಅಪ್ಣಾಮ ರ್ಹೇವ್ಣುಕರಿ ಇವ್ಣೆಖ್ಹಾರು ಏಕ್ ಹುಯಿರ್ಹೇಣು ಕರಿ, ಮೇ ಪ್ರಾರ್ಥನೆ ಕರುಸ್. 22 ಅಪ್ಣೆ ಏಕ್ ಹುಯಿರ್ಹಾತೆ ಇಮ್ಮಸ್, ಅವ್ಣೇಬಿ ಏಕ್ ಹುಯಿರ್ಹವಾದೆ ಕರಿ ತುನೆ ಮನ ದಿದೋತೆ ಯೋಸ್ ಮಹಿಮೆ ಮೇ ಅವ್ಣುನ ದೀರಾಖ್ಯೊಸ್. 23 ಮೇ ಇವ್ಣಾಮ ರ್ಹೀಶ್ ಅಜು಼ ತೂ ಮಾರಾಮ ರ್ಹೀಶ್ ಅನೇಥಿ ಇವ್ಣೆ ಅಮ್ಮಸ್ ಭರ್ಪೂರ್ಥಿ ಏಕ್ ಹುಯಿರ್ಹಿಶೆ, ತದೆ ತುನೇಸ್ ಮನ ಮೋಕ್ಯಲ್ಯೋತೆ ಕರಿ ಅಜು಼ ತುನೆ ಮನ ಪ್ಯಾರ್ ಕರ್ಯೊತೆ ಇಮ್ಮಸ್, ಅವ್ಣುನಾಬಿ ಪ್ಯಾರ್ ಕರಿರಾಖ್ಯೋಸ್ ಕರಿ ಆ ಜಗತ್ನ ತದೆ ಮಾಲುಮ್ ಪಡ್ಶೆ.
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)