ಯೋಹಾನ 20

14 ಅಮ್ ಬೋಲಾನ ಬಾದ್‌ಮ, ಪೀಠೆ ಫರೀನ್, ಹಿಜ್ಜಾ಼ ಯೇಸು ಭೀರ‍್ಯೊಥೊತೆ ಇನೆ ದೇಖಿ; ಕತೋಬಿ ಯೋಸ್‌ ಯೇಸು ಕರಿ ಇನ ಮಾಲುಮ್‌ ಕೋ ಹುಯೂನಿ. 15 ಯೇಸುನೆ ಇನ, "ಅಲಿ ಆಯಾ, ತೂ ಶನ ರೊವ್‌ಕರಾಸ್ತೆ? ತೂ ಕಿನ ಢೂಂಡುಕರಾಸ್ತೆ?" ಕರಿ ಪುಛಾ಼ಯೊ. ಹೈರೋತೆ ಬಾಗ್‌ನ ದೇಖಿಲ್ಯವಾಳೊಕಿ ಶುಕಿ ಕರಿ ಮರಿಯನೆ ಸೋಚಿನ್,

ಇನ, "ಮಾಲಿಕ್, ತೂ ಇನ ಪಾಡಿಲೀನ್ ಜೈ಼ರೊ ಉಶೇತೊ, ಕಿಜ್ಗಾ಼ ಮ್ಹೇಲಿರಾಖ್ಯೋಸ್‌ ಕರಿ ಮನ ಬೋಲ್, ಮೇ ಇನ ಪಳ್ಳಿಜ಼ವ್‌ಸ್‌" ಕರಿ ಬೋಲಿ.

16 ಯೇಸುನೆ ಇನ, "ಮರಿಯ" ಕರಿ ಬೋಲ್ಯೊ.

ತದೆ ಇನೆ ಯೇಸು ಭಣಿ ಫರೀನ್, ಇಬ್ರಿಯ ವಾತೇಮ, "ರಬ್ಬೂನಿ!" ಕರಿ ಬೋಲಿ. ರಬ್ಬೂನಿ ಕತೊ, ‘ಗುರು’ ಕರಿ ಮತ್‌ಲಬ್.