ಮರಿಯನು ಸ್ತುತಿನು ಗೀದ್
46 ತದೆ ಮರಿಯನೆ,
"ಮಾರೊ ಜಾನ್ ಪ್ರಭುನ ಸ್ತುತಿ ಕರಾಸ್.
47 ದೇವ್ ಮನ ಬಚಾ಼ಡವಾಳೊ ಹುಯಿರ್ಹೋಸ್ತೆ ಇನಖ್ಹಾಜೆ ಮಾರು ಆತ್ಮ ಖ್ಹುಶಿ ಛಾ಼.
48 ದೇವ್ನಿ ದಾಸಿ ಹುಯಿರ್ಹೀತೆ ಮೇ, ಲ್ಹಾಯಕ್ಕೊಂತೆ ಇಮ್ಥೀತೆ ತದೆ, ಇನೆ ಮನ ಯಾದ್ ಕರ್ಯೊ!
ಖ್ಹಾಚಮಾಬಿ ಹಂಕೇಥು ತಮಾಮ್ ಅದ್ಮಿ ಮನ ದೇವ್ನಿ ಆಶೀರ್ವಾದ್ವಾಳಿ ಕರಿ ಚಿಕರ್ಶೆ.
49 ಶನಕತೊ ಘಣಿ ಶಕತ್ವಾಳೊ ದೇವ್ ಮಾರಖ್ಹಾಜೆ ಮಹಾನ್ ಕಾಮ್ಖ್ಹಾರು ಕರಿರಾಖ್ಯೋಸ್.
ಇನು ನಾಮ್ ಪವಿತ್ರ್ ಹುಯಿರ್ಹೂಸ್.
50 ಕೋಣ್ ದೇವ್ಮ ಪೂರ ಮನ್ಥಿ ಡರಿನ್ ಚಾ಼ಲಸ್ಕಿ ಇವ್ಣಾಪರ್
ದೇವ್ ಮುಂಡಿಥು ಧರಿನ್ ಮುಂಡಿಲಗೂ ಗೋರ್ ಕರಾವಾಳೊ ಹುಯಿರ್ಹೊಸ್.
51 ದೇವ್ನೆ ಇನಿ ಭುಜ಼್ನಿ ಶಕತ್ ವತಾಳಿನ್,
ಹಂಕಾರ್ ಭರ್ಯಾ ದಿಲ್ವಾಳಾನ ಛಿಂಧೊಭಾಂಗ್ ಕರಿನಾಖ್ಯೊ.
52 ದೇವ್ನೆ ರಾಜಾ಼ವ್ನ ಸಿಂಹಾಸನ್ಪರ್ಥು ಧಕೇಲಿನ್,
ಶಾತ್ಬಿಕೊಂತೆ ಗರೀಬ್ನ ಉಪ್ಪರ್ ಲೈರಾಖ್ಯೊಸ್.
53 ಯೋ ಭುಕ್ಯಾವ್ನ ಮಿಝ಼್ವಾನ್ ಖಡಾಯೊ, ಕತೋಬಿ
ಧನ್-ದೌಲತ್ವಾಳಾನ ಖಾಲಿ ಹಾತೆ ಮೋಕ್ಲಿದಿದೊ.
54 ದೇವ್ನೆ ಅಪ್ಣ ಗುರುಗುರಬ್ಲ್ಯನ ವಾಗ್ದಾನ್ ದಿದೊತೆ ಇಮ್ಮಸ್,
ಇನೊ ಸೇವಕ್ ಹುಯಿರ್ಹೋತೆ ಇಸ್ರಾಯೇಲ್ನೊ ಹಾತ್ ಧರಿರಾಖ್ಯೋಸ್.
55 ಅಬ್ರಹಾಮ್ನಾಬಿ ಇನಿ ಪಿಳ್ಗಿವಾಳಾನ ಹರ್ಹಮೇಶ ಗೋರ್ ವತಾಳ್ಣು ಕರಿ ಯಾದ್ ಕರಿರಾಖ್ಯೋಸ್!" ಕರಿ ಬೋಲಿ.
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)