15 ಅಜು಼ ಹಿಜ಼್ಜಾಥೂತೆ ಖ್ಹಾರುಸ್ ಅದ್ಮಿನ, "ಜ಼ತನ್ಥಿ ರ್ಹವೊ ಅಜು಼ ಹರೇಕ್ ತರ್ಹಾನು ಲಾಲಚ್ಥಿ ದೂರ್ ರ್ಹವಾನಿಮತ್ ತುಮಾರು ತುಮೆ ಬರಾಬರ್ಥಿ ದೇಖಿಲೆವೊ. ಶನಕತೊ ಏಕ್ ಜ಼ಣಾನ ಕೆತ್ರು ಧನ್-ದೌಲತ್ ರ್ಹಯುತೋಬಿ, ಯೋ ದೌಲತ್ ಇನ ಜಾನ್ನ ಆಧಾರ್ ಕೋ ಹುವಾನಿ.
16 ಅನ ಬಾದ್ಮ ಯೇಸುನೆ ಇವ್ಣುನ ಏಕ್ ಮತ್ಲಬ್ನಿ ಖೇಣಿನ ಬೋಲ್ಯೊ: ಏಕ್ ಶೌಕಾರ್ ಅದ್ಮಿ ಥೂ. ಏಕ್ ಹಲ್ಲ ಇನಿ ಜ಼ಮೀನ್ಮ ಅಛ್ಛಿನಿತರ ಅನಾಜ಼್ ಪಿಕ್ಯು. 17 ತದೆ ಯೋ ಇನ ಮನ್ಮ, ‘ಮೇ ಶಾತ್ಕರು? ಮಾರು ಅನಾಜ಼್ ಅಖ್ಖು ಭರಿನ್ ಮ್ಹೇಲಾನ ಝ಼ಗೊ ಕೊಯ್ನಿನಿ!’ ಕರಿ ಸೋಚಿನ್, 18 ‘ಮೇ ಏಕ್ ಕಾಮ್ ಕರುಸ್; ಮಾರಿ ಕಣ್ಗೀನ ಫೋಡೈನ್, ಇನೇಥಿಬಿ ಮೋಟಿ ಕಣ್ಗಿನ ಭಂದೈನ್, ಹಿಜ್ಜಾ಼ ಮಾರು ಖ್ಹಾರೂಸ್ ಅನಾಜ಼್ನ ಅಜು಼ ಬಿಜು಼ ಖ್ಹಾರೂಸ್ ರಾಛಾ಼ನ ಮ್ಹೇಲುಸ್’ 19 ಬಾದ್ಮ ಮಾರು ಮೇ, ಹೇ ಜಾನ್, ಕೆತ್ರಾಸ್ಕಿ ವರಖ್ಹ್ ಬೇಶಿನ್ ಖಾವಯೆತ್ರು ಅನಾಜ಼್ ತಾರಕನ ಪಡ್ಯೂಸ್. ಅರಾಮ್ ಕರಿಲೆ, ಖೈಪೀನ್ ಖ್ಹುಶಿ ಕರ್’ ಕರಿ ಇನು ಯೋಸ್ ಬೋಲಿಲಿದೊ. 20 ಕತೋಬಿ ದೇವ್ ಇನ, "ಬಿಣ್ಅಕ್ಲಿ, ಆ ರಾತೇಸ್ ತಾರ ಜಾನ್ನ ಕಾಡಿಲಿಶೆ; ತದೆ ತುನೆ ತಾರಖ್ಹಾಜೆ ಜ಼ಮಾಕರೀನ್ ಮ್ಹೇಲಿರಾಖ್ಯೊತೆ ಯೋ ಖ್ಹಾರು ಕಿನ ಉಶೆ?" ಕರಿ ಪುಛಾ಼ಯೊ.
21 ಇನಖ್ಹಾಜೆ ಯೋಸ್, ಧನ್-ದೌಲತ್ನ ಜ಼ಮಕರಿಲ್ಯವಾಳಾನಿ ಹಾಲ್ಬಿ ಅಮ್ಮಸ್, ಕತೋಬಿ ದೇವ್ನ ಡೋಳಾಮ ಇವ್ಣೆ ಶೌಕಾರ್ ಕಾಹೆ.
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)