Lucas 9

27 ತುಮೂನ ಖ್ಹಾಚಾಮ ಬೋಲುಸ್ಕಿ, ಹಜ್ಜಾ಼ ಭಿಯುತೆ ಇವ್ಣಾಮ ಥೋಡು ಜ಼ಣು ದೇವ್ನಿ ರಾಜ್ಯ ದೇಖಾತೋಡಿ ಮರ್‌ಶೆಸ್ ಕೊಯ್ನಿ" ಕರಿ ಬೋಲ್ಯೊ.

ಯೇಸುನು ರೂಪ್ ಬದ್‌ಲ್ಯೂತೆ

28 ಯೇಸುನೆ ಆ ಖ್ಹಾರಿ ವಾತೇನ ಬೋಲಿನ್, ಆಟ್‍ದನ್ ಹುವಾನ ಬಾದ್‌ಮ, ಪೇತ್ರ, ಯಾಕೋಬ ಅಜು಼ ಯೋಹಾನ್ನ ಬುಲೈಲಿನ್ ಪ್ರಾರ್ಥನೆ ಕರಾನಖ್ಹಾಜೆ, ಪಹಾಡ್‌ಪರ್ ಗಯೊ. 29 ಯೇಸು ಪ್ರಾರ್ಥನೆ ಕರುಕರಾನಿ ವಖ್ಹತ್‌ಮ, ಇನು ಮ್ಹೋಡು ಬದ್ಲಿಗಯು, ಅಜು಼ ಇನು ಲುಂಗ್ಡು ಧೋಳುಫಟ್‍ಹುಯಿನ್, ಝ಼ಮ್‌ಕಾಲಗ್ಯು. 30 ತದ್ದೇಸ್ ಬೇ ಪರ್ಖ್ಹಾ ಇನಜೋ಼ಡೆ ವಾತೆ ಬೋಲುಕರ್ತಾಥ. ಅವ್ಣೆ ಕೋಣ್‌ಕತೊ, ಮೋಶೆ ಅಜು಼ ಎಲೀಯ. 31 ಅವ್ಣೆ ಪರಲೋಕ್‌ನಿ ಮಹಿಮೆಥಿ ದೆಖೈನ್, ಯೆರೂಸಲೇಮ್ಮ ಯೇಸು ಮರಿನ್‌, ದೇವ್ನಿ ಮರ್ಜಿನ ಪೂರ ಕರ್‌ಶೇತೆ ಇನಿ ಬಾರೇಮ, ಇನಜೋ಼ಡೆ ವಾತೆ ಬೋಲುಕರ್ತೂಥು.