Marcos 15

ಯೇಸುನ ಪಿಲಾತಕನ ಲಾಯುತೆ

1 ವ್ಹಾಣ್‌ಖ್ಹತ್ರೇಸ್ ಗಲ್‌ಢಯಾಜಕರ್‌, ಮೋಶೆನಿ ವಚನ್ ಶಿಕಾಡವಾಳು ಶಾಸ್ತ್ರಿಯೆ, ಮೋಟಿ ಸಬೆವಾಳು ಅಜು಼ ಶಾಣುಖ್ಹಾರು ಮಳಿನ್ ವಾತೆಕರಿಲೀನ್, ಯೇಸುನ ಭಂದೈನ್ ಲೀಜೈ಼ನ್, ಪಿಲಾತನ*15:1 ಪಿಲಾತ ಆ ರೋಮ್ ಖ್ಹರ್ಕಾರ್‌ನ ಭಣಿವಾಳೊ ಹುಯಿರ‍್ಹೋಥೊ. ಆ ಯೆಹೂದ್ಯರ್‌ನ ರಾಜ಼್‌ಭಾರ್‌ನ ಚ಼ಲಾವವಾಳೊ ಹುಯಿರ‍್ಹೋಥೊ ಹಾತ್‌ಮ ದಿದು. 2 ತದೆ ಪಿಲಾತನೆ ಯೇಸುನ, "ತು ಯೆಹೂದ್ಯರ್‌ನೊ ರಾಜಾ಼ಕಿ ಶು?" ಕರಿ ಪುಛಾ಼ವಖ್ಹತರ್.

ಯೇಸುನೆ, "ತುನೇಸ್ ಬೋಲ್ಯೋನಿ" ಕರಿ ಜವಾಬ್‌ ದಿದೊ.

3,4 ಗಲ್‌ಢಯಾಜಕರ್‌ ಯೇಸುಪರ್‌ ಘಣಿ ಗಲ್ತಿ ಲಗಾಡುಕರ್ತಾಥ. ತದೆ ಪಿಲಾತನೆ ಬಿಜೇಕ್‌ ಹಲ್ಲ ಯೇಸುನ, "ತು ಶಾತ್ಬಿ ಜವಾಬ್‌ ಕೋ ದೇಯ್ನಿಕಿ ಶು? ದೇಕ್, ಅವ್ಣೆ ತಾರಪರ್ ಕೆತ್ರು ಬೋಲುಕರಾಸ್ತೆ!" ಕರಿ ಬೋಲ್ಯೊ.

5 ಕತೋಬಿ ಯೇಸುನೆ ಶಾತ್ಬಿ ಜವಾಬ್‌ ಕೋ ದಿದೋನಿ. ಅನ ದೇಖಿನ್ ಪಿಲಾತನೆ ಆಶ್ಚರ್ಯಖಾದೊ.

ಯೇಸುನ ಮರಣ್ ದಂಡ್‌ ದೇವ್ಣು ಕರಿ ಬೋಲ್ಯುತೆ

6 ಪಸ್ಕ ಪೂಜಾ಼ನಿ ವಖ್ಹತ್‌ಮ ಕೋಂಡಿ ಘಾಲಿರಾಖಾತೆ ಅದ್ಮಿಮ, ಅದ್ಮಿಖ್ಹಾರು ಕಿನ ಬೋಲಸ್ಕಿ ಇನ, ಭಾರ್‌ ಮ್ಹೇಲಾನಿ ಆದತ್ ಥು. 7 ತದೆ ಬರಬ್ಬ ಕರಿ ಏಕ್‌ ಜ಼ಣೊ ಥೊ. ಕಲ್ಹಾಗಟ್‌ ಪಡಾನಿ ವಖ್ಹತ್‌ಮ, ಅದ್ಮಿನ ಮಾರಿನಾಖಿ ದೇಯಿತೆ ಇವ್ಣ ಜೋ಼ಡ್ಮ ಇನ ಧರಿನ್ ಕೋಂಡಿ ಘಾಲಿರಾಖ್ಯುಥು. 8 ತದೆ ಅದ್ಮಿಖ್ಹಾರು ಪಿಲಾತಕನ ಆಯಿ ಭರೈನ್, "ತುನೆ ಹಮೂನ ಕರ್ತೊ ಆಯೋತೆ ಇಮ್‌ ಕರ್‌" ಕರಿ ಗಿಂಗಾಯು. 9,10 ತದೆ ಗಲ್‌ಢಯಾಜಕ್‍ಖ್ಹಾರು ಬಳಾಪೇಥಿ ಯೇಸುನ ಧರಿ ದೀರಾಖ್ಯುಸ್‌ ಕರಿ ಪಿಲಾತನೆ ಮಾಲುಮ್‌ ಕರಿಲೀನ್, "ಮೇ ಯೆಹೂದ್ಯರ್‌ನ ರಾಜಾ಼ನ ತುಮುನ ಮ್ಹೇಲಿದೇಣು ಕರಿ ತುಮಾರಿ ಆಖ್ಹ್‌ಕಿ ಶು?" ಕರಿ ಪುಛಾ಼ಯೊ.

11 ತದೆ ಗಲ್‌ಢಯಾಜಕರ್‌ಖ್ಹಾರು, "ಬರಬ್ಬನಾಸ್ ಮ್ಹೇಲಿದೆ ಕರಿ ಬೋಲ್‌ನು" ಕರಿ ಅದ್ಮಿನ ಬೋಲಿದಿದು. 12 ತದೆ ಪಿಲಾತನೆ ಇವ್ಣುನ, "ಇಮ್‍ಕತೊ, ತುಮೆ ಯೆಹೂದ್ಯರ್‌ನೊ ರಾಜ಼ ಕರಿ ಬೋಲುಕರಾತೆ ಅನ, ಮೇ ಶಾತ್‌ ಕರ‍್ನು ಕರಿ ತುಮೆ ಬೋಲೋಸ್?" ಕರಿ ಪಾಛೊ಼ ಬೋಲ್ತಖ್ಹತರ್‌.

13 ಇವ್ಣೆ, "ಇನ ಶಿಲ್‌ಬೇಪರ್*15:13 ಆಡ ಕಂಭಾಪರ್ ಮರಾವ್!" ಕರಿ ಚಿಕ್ರಿನ್ ಬೋಲಾಲಗ್ಯು.

14 ತದೆ ಪಿಲಾತನೆ, "ಶನ? ಅನೆ ಶನಿ ಗಲ್ತಿ ಕರಿರಾಖ್ಯೋಸ್?" ಕರಿ ಬೋಲ್ಯೊ. ಕತೋಬಿ ಇವ್ಣೆ, "ಇನ ಶಿಲ್‌ಬೆಪರ್ ಮರಾವ್!" ಕರಿ ಅಜೂ಼ಬಿ ಜೋ಼ರೇಖ್ಹು ಬಳೇಳಿನ್‌ ಬೋಲ್ಯು.

15 ತದೆ ಪಿಲಾತನೆ ಅದ್ಮಿನ ದಿಲ್ನ ಖ್ಹುಶಿ ಕರಾವ್ಣು ಕರಿ ಬರಬ್ಬಾನ ಇವ್ಣಖ್ಹಾಜೆ ಮ್ಹೇಲಿದಿದೊ. ಅಜು಼ ಯೇಸುನ ಮೇಕ್‌ನ ಕೊಳ್ಡೇಥಿ ಮರೈನ್ ಶಿಲ್‌ಬೆಪರ್ ನಾಖಾನ ದಿದೊ.

ಶಿಪಾಯಿಖ್ಹಾರು ಯೇಸುನಿ ನಕ್ಲೆ ಕರ‍್ಯುತೆ

16 ಶಿಪಾಯಿಖ್ಹಾರು ಯೇಸುನ ಪಿಲಾತನಿ ಮಹೇಲ್‌ನ ಖ್ಹಾಮ್ಣೆನಿ ಝ಼ಗೋಮ ಬುಲೈಲೀಜೈ಼ನ್, ದಂಡ್‌-ದಳ್‌ವಾಯಿನ ಎಕ್ಕದಮ್‌ ಬುಲಾಯು. 17 ಹಿಜ್ಜಾ಼ ಶಿಪಾಯಿಖ್ಹಾರು ಯೇಸುನ ಲಾಲ್‌ಭಗ್ಮ ರಂಗ್ನು ಲುಂಗ್ಡು*15:17 ರಾಜ಼ ಪೆರ‍್ಹಾನು ಲುಂಗ್ಡು ಹೋಡೈನ್‌, ಕಾಟಾನಿ ಕಿರೀಟ್ನ ವಣಿನ್‌ ಇನ ಮಾಥಪರ್‌ ಘಾಲಿನ್, 18 "ಯೆಹೂದ್ಯರ್‌ನ ರಾಜ಼, ತುನ ಖ್ಹಲಾಮ್" ಕರಿ ಬೋಲಿನ್, 19 ಬೈತ್‌ನಿ ಲಾಕ್ಡಿಥಿ ಇನ ಮುಡ್‌ಕ್ಯಪರ್ ಮಾರಿನ್, ಇನಪರ್ ಥೂಕಿನ್, ಇನಾಖ್ಹಾಮೆ ಢುಕ್‌ಣ್ಯಟೇಕಿನ್, ಆಡು ಪಡ್ಯು. 20 ಅಮ್ ಇವ್ಣೆ ಯೇಸುನಿ ನಕ್ಲೆ*15:20 ಖ್ಹರಮ್‌ ಕಾಡಿನ್ ಕಾಡಾನ ಬಾದ್‌ಮ ಯೋ ಲಾಲ್‌ಭಗ್ಮ ರಂಗ್‌ನ ಲುಂಗ್ಡಾನ ಕಾಡಿನಾಖಿದೀನ್ ಇನ ಲುಂಗ್ಡಾವ್‍ನಸ್ ಪಾಛು಼ ಫೇರೈನ್ ಶಿಲ್‌ಬೆಪರ್ ಮಾರಾನಖ್ಹಾಜೆ ಬುಲೈಲಿ ಗಯು.

ಯೇಸುನ ಶಿಲ್‌ಬೆಪರ್ ಮಾರ‍್ಯೂತೆ

21 ತದೆ ಖೇತರ್‌ಮಾಥು ಯೋಸ್ ವಾಟೆ ಉಳ್ಯಾವ್ತೊಥೋತೆ ಕುರೇನೆ ಖ್ಹಯೇರ‍್ನೊ ಸೀಮೋನ್ನ, ಯೇಸುನಿ ಶಿಲ್‌ಬೆ ಪಾಡ್‌ಕರಿ ಶಿಪಾಯಿಖ್ಹಾರು ಜು಼ಲಮ್‌ ಕರ‍್ಯು. ಆ ಸೀಮೋನ್ ಅಲೆಕ್ಸಾಂಡರ್ ಅಜು಼ ರೂಫ ಕರಿ ಥಾತೆ ಇವ್ಣೊ ಬಾ ಹುಯಿರ‍್ಹೋಥೊ. 22 ಅಜು಼ ಯೇಸುನ ‘ಗೊಲ್ಗೊಥಾ’ ಕರಿ ಝ಼ಗೋಪರ್ ಬುಲೈಲಿ ಗಯು. ಗೊಲ್ಗೊಥಾ ಕತೊ "ಖೋಪ್ರಿನಿ ಝ಼ಗೊ" ಕರಿ. 23 ಹಿಜ್ಜಾ಼ ಇನ ರಕ್ತಬೋಳ*15:23 ರಕ್ತಬೋಳ ಏಕ್‌ ಝಾ಼ಡ್‌ಣು ದೂದ್ ಹುಯಿರ‍್ಹೂಸ್. ಆ ಘಣ ಮೋಲ್ನು ಅಜು಼ ಅನೇಥಿ ಕೈಯೆಕ್ಕಿ ಫಾಯಿದೊ ಛಾ಼. ದ್ರಾಕ್ಷಿನು ರಖ್ಹ್‌ನ ಜೋ಼ಡೆ ಮಳೈನ್ ಪೀದೂತೊ ಅಜ಼ ಕಮ್ ಹುವಾಸ್. ಮಳೈಹುಯು ದ್ರಾಕ್ಷಿನು ರಖ್ಹ್‌ನ ಪಿಯ್ಯಾನ ದಿದು. ಕತೋಬಿ ಯೇಸುನೆ ಇನ ಪೀದೊಕೊಯ್ನಿ. 24 ಇವ್ಣೆ ಯೇಸುನ ಶಿಲ್‌ಬೆಪರ್ ಮಾರ‍್ಯು ಅಜು಼ ಇನ ಲುಂಗ್ಡಾವ಼್‌ಮ ಕೆಹು-ಕೆಹು, ಕಿನ-ಕಿನ ಜಾ಼ವ್ಣು ಕರಿ ಬೋಲಿನ್ ಚೀಟ್ ನಾಖಿನ್ ಇವ್ಣಾಮಸ್ ವಾಟ ಪಾಡಿಲಿದು. 25 ಇವ್ಣೆ ಯೇಸುನ ಶಿಲ್‌ಬೆಪರ್ ಮಾರ‍್ಯೂತೆ ತದೆ ವ್ಹಾಣನ ನೌ ಘಂಟ ಹುಯಿರ‍್ಹಾಥ. 26 ಇವ್ಣೆ ಯೇಸುಪರ್‌ ಲಗಾಡ್ಯುತೆ ಯೋ ಗಲ್ತಿನ ದೆಖಾವನಿ ಘೋಣಿ ಶಿಲ್‌ಬೆಪರ್ ಲೀಖಿರಾಖ್ಯುಥು. ಯೋ ಶಾತ್‌ಕತೊ, "ಯೆಹೂದ್ಯರ್‌ನೊ ರಾಜ಼" ಕರಿ. 27 ಯೇಸುನ ಜೋ಼ಡ್ಮ ಬೇ ಜ಼ಣ ಚೋ಼ರ್‌ನಾಬಿ ಲೈನ್‌ ಏಕ್‌ ಜ಼ಣಾನ ಇನಿ ಖಾವಿ ಬಾಜೂ಼ಮ ಅಜು಼ ಬಿಜೇಕ್‌ ಜ಼ಣಾನ ಇನಿ ಡಾವಿ ಬಾಜೂ಼ಮ ಶಿಲ್‌ಬೆಪರ್ ಮಾರ‍್ಯು. 28 ಆ ವಚನ್ ಗ್ರೀಕ್‌ನು ಥೋಡು ವಚನ್ನು ಭಾಗ್‌ಮ ಛಾ಼,*15:28 ಯೋ ಶಾತ್‌ಕತೊ "ಚೋ಼ರ್‌ನ ಜೋ಼ಡ್ಮ ಇನಾಬಿ ಮಳಾಯು ಕರಿ ದೇವ್ನಿ ವಾಕ್ಯಾಮ ಲೀಖೈರ‍್ಹೂತೆ ಇಮ್ಮಸ್ ಚಾ಼ಲ್ಯು" ಕರಿ. ಯೆಶಾಯ 53.12

29 ಹಿಜ್ಜಾ಼ಕರಿ ಜ಼ವ್‍ಕರ್ತುಥೂತೆ ಅದ್ಮಿಖ್ಹಾರು ಯೇಸುನಿ ನಕ್ಲೆ ಕಾಡ್ಯು: ಅಜು಼ ಮುಡ್‌ಕ್ಯು ಠಶ್‌ಕಾವ್ತು ಹುಯಿನ್, "ಓಹೊ, ತೂ ಮಂದಿರ್‌ನ ಫೋಡಿನ್ ತೀನ್ ದನ್ಮ ಭಾಂದೀಶ್ ಕರಿ ಬೋಲ್ಯೋಥೊ!" 30 ಹಮ್ಕೆ ಶಿಲ್‌ಬೆಪರ್‌ಥು ಉತ್ರಿನ್ ಆವ್ ಅಜು಼ ತಾರು ತೂ ಬಚಾ಼ಡಿಲೆ!" ಕರಿ ಇನ ಚಿಂಘಾಯು.

31 ಇಮ್ಮಸ್ ಗಲ್‌ಢಯಾಜಕರ್‌ಬಿ, ಮೋಶೆನಿ ವಚನ್‍ ಶಿಕಾಡವಾಳು ಶಾಸ್ತ್ರಿಯೇ಼ಬಿ, "ಇನೆ ಬಿಜಾ಼ನ ಬಚಾ಼ಡ್ಯೊ; ಕತೋಬಿ ಇನು ಯೋಸ್ ಬಚಾ಼ಡಿಲ್ಯವಾನ ಕೋ ಹೊಯ್ನಿ. 32 ಇಸ್ರಾಯೇಲ್‌ನೊ ರಾಜ಼ ಹುಯಿರ‍್ಹೋತೆ ಆ ಕ್ರಿಸ್ತ ಹಮ್ಕೆ ಶಿಲ್‌ಬೆಪರ್‌ಥು ಉತ್ರಿನ್ ಆವಾದೆ! ಉತ್ರಿನ್ ಆಯೋತೊ ಹಮೆ ದೇಖಿನ್ ನಂಬ್‌ಶು" ಕರಿ ಏಕ್‌ಥಿಏಕ್‌ ಯೇಸುನಿ ನಕ್ಲೆ ಕಾಡಿನ್ ವಾತೆ ಬೋಲುಕರ್ತೂಥು.

ಅಜು಼ ಇನ ಜೋ಼ಡ್ಮ ಶಿಲ್‌ಬೆಪರ್ ಮರೈರ‍್ಹೂಥೂತೆ, ಯೋ ಭೇ ಜ಼ಣಾನೇಬಿ ಇನಿ ಖ್ಹರಮ್‌ಕಾಡ್ಯು.

ಯೇಸುನೆ ಜಾನ್‌ ಮ್ಹೇಲ್ಯೋತೆ

33 ಧೊಪಾರ್‌*15:33 ಧೋಪಾರ‍್ನ ಭಾರ ಘಂಟ ಹುವ್ವಾದೀನ್ ಹುವ್ವಾದೀನ್ ಹಿಡಿ ದೇಖ್ಹ್‌ಪರ್ ಅಂಧಾರು ಢಪೈನ್, ತೀನ್ ಘಂಟತೋಡಿ ಇಮ್ಮಸ್‌ಥು. 34 ತೀನ್ ಘಂಟಾನ ಯೇಸು, "ಎಲೋಹಿ, ಎಲೋಹಿ ಲಮಾ ಸಬಕ್ತಾನಿ"*15:34 ಯೇಸುನೆ ಇನಿ ಶೊಂತ್ ಬೋಲಿಮ ಆ ವಾತೆ ಬೋಲ್ಯೋತೆ ಅಮ್‌ಕತೊ, "ಮಾರೊ ದೇವ್, ಮಾರೊ ದೇವ್, ತೂ ಶನ ಮನ ಹಾತ್‌ ಮ್ಹೆಂದಿದೊ?"*15:34 ಕೀರ್ತನೆ 22.1 ಕರಿ ಜೋ಼ರ್‌ ಆವಾಜ಼್‌ಥಿ ಚಿಕ್‌ರ‍್ಯೊ.

35 ಖನ್ನೆ ಭಿಯ್ಯುಥೂತೆ ಥೋಡು ಜ಼ಣು ಅನ ಖ್ಹಮ್‌ಜಿನ್‌, "ಹಂದೇಖೊ, ಯೋ ಎಲೀಯನ ಚಿಕ್ರುಕರಾಸ್!" ಕರಿ ಬೋಲ್ಯು. 36 ತದೆ ಹಿಜ್ಜಾ಼ ಥೂತೆ ಏಕ್‌ ಜ಼ಣು ನಾಶಿಜೈ಼ನ್, ಗುಂಜ಼್‌ನ*15:36 ರಖ್ಹ್‌ನ ಖ್ಹೋಖ್ಹಾನು ರಾಛು಼ ಖಾಟ ರಖ್ಹ್‌ಮ*15:36 ಕಮ್ ಮೋಲ್ನು ಗರೀಬ್ ಅದ್ಮಿ ಪಿಯ್ಯಾನು ರಖ್ಹ್‌ ಡುಬೈನ್, ಲಠ್ಠಾಕೇಡೆ ಅಟ್‌ಕೈನ್ ಯೇಸುನ ಪಿಯ್ಯಾನ ದೀನ್, "ಠೇರೊ! ಎಲೀಯ ಐನ್ ಅನ ಶಿಲ್‌ಬೆಪರ್‌ಥು ಉತ್ರಾವಸ್ ಶುಕಿ ದೇಖೆ!" ಕರಿ ಬೋಲ್ಯು.

37 ಕತೋಬಿ ಯೇಸುನೆ ಜೋ಼ರೆಖ್ಹು ಚಿಕ್ರಿನ್ ಜಾನ್‌ ಮ್ಹೇಲ್ಯೊ.

38 ತದೆ ಮೋಟಿ ಮಂದಿರ್‌ನೊ ಪಡ್‌ದೊ ಉಪ್ಪರ್‌ಥು ಹೇಟ್‌ತೋಡಿ ಫಾಟಿನ್, ಬೇ ಭಾಗ್‌ ಹುಯಿಗಯು. 39 ಯೇಸುನೆ ಆ ತರೀಕಾಥಿ ಜಾನ್‌ ಮ್ಹೇಲ್ಯೊತೆ ಇನ ಖ್ಹಾಮ್ಣೆಸ್ ಭಿಯೊಥೋತೆ ಖ್ಹೋಶಿಪಾಯಿನೊ ಮೋಟಾನೆ ದೇಖಿನ್, "ಖ್ಹಾಚಮಾಬಿ ಆ ಅದ್ಮಿ ದೇವ್‌ನೊ ಛಿಯ್ಯೊ ಹುಯಿರ‍್ಹೋಥೊ!" ಕರಿ ಬೋಲ್ಯೊ.

40,41 ಹಿಜ್ಗಾ಼ ದೂರ್‌ಥು ಭೀರಿನ್‌ ಥೋಡಿ ತಯೇಡಾಬಿ ಆ ಖ್ಹಾರು ದೇಖುಕರ್ತಿಥಿಯೆ. ಅವ್ಣಾಮ ಮಗ್ದಲನಿ ಮರಿಯ, ನ್ಹಾನೊ ಯಾಕೋಬ್ ಅಜು಼ ಯೋಸೆನಿ ಆಯ ಹುಯಿರ‍್ಹೀಥೀತೆ ಮರಿಯ ಅಜು಼ ಸಲೋಮೀಬಿ ಥಿಯೆ. ಅವ್ಣೆ ಯೇಸು ಗಲಿಲಾಯಮ ಥೋತೆ ತದೆ ಇನ ಕೇಡೆಸ್ ರ‍್ಹೀನ್ ಇನಿ ಸೇವೆ ಕರಿಹುಯೆ಼. ಎತ್ರೇಸ್ ಕಾಹೆತೆ ಯೇಸುನ ಜೋ಼ಡ್ಮ ಯೆರೂಸಲೇಮ್ ‌ಆಯೆಥೀತೆ ಬಿಜಿ ತಯೇಡಾವ್‌ಬಿ ಹಿಜ್ಜಾ಼ ಥಿಯೆ.

ಯೇಸುನ ಮಖ್ಹಾಣ್ಯು ಕರ‍್ಯುತೆ

42 ತದೆ ಖ್ಹಾಂಜ಼್ ಹುಯಿಗಯುಥು; ಅಜು಼ ಯೋ ದನ್ ಖ್ಹವಾರಾನೊ ದನ್ ಹುಯಿರ‍್ಹೋಥೊ, ಕತೊ ಸಬ್ಬತ್ ದನ್ನ ಪೀಠೆನೊದನ್‌ ಹುಯಿರ‍್ಹೋಥೊ. 43 ತದೆ ಅರಿಮಥಾಯ ಗಾಮ್‌ನೊ ಯೋಸೇಫ ಕರಿ ಏಕ್‌ ಜ಼ಣೊ ಘಟ್ ಜಾನ್‌ಥಿ ಪಿಲಾತಕನ ಐನ್, ಯೇಸುನ ಶರೀರ್‌ನ ಮನ ದೇ ಕರಿ ಬೋಲಿಲಿದೊ. ಆ ಯೋಸೇಫ ಮೋಟಿ ಸಭೆಮ ಘಣು ಮರ್ಯಾದಿನು ಅದ್ಮಿ ಹುಯಿರ‍್ಹೋಥೊ ಅಜು಼ ದೇವ್ನಿ ರಾಜ್ಯ ಕದೆ ಆವ್‍ಶೆಕರಿ ಜ಼ಪಿರ‍್ಹೋತೊ. 44 ಪಿಲಾತನೆ ಯೇಸು ತದ್ದೇಸ್ ಮರಿಗಯೊ ಕರಿ ಖ್ಹಮ್‌ಜಿನ್‌ ಆಶ್ಚರ್ಯಖಾದೊ. ಅಜು಼ ಖ್ಹೋಶಿಪಾಯಿನೊ ಮೋಟಾನ ಬುಲೈನ್, "ಯೋ ತದ್ದೇಸ್ ಮರಿಗಯೊಕಿ ಶು?" ಕರಿ ಇನ ಪುಛಾ಼ಯೊ. 45 ಖ್ಹೋಶಿಪಾಯಿನ ಮೋಟಾಥಿ ಖ್ಹಮ್‌ಜಾ಼ನ ಬಾದ್‌ಮ, ಪಿಲಾತನೆ ಯೇಸುನ ಮುರ್ದಾನ ಯೋಸೇಫನ ದೆವಾಡ್ಯೊ. 46 ಯೋಸೇಫನೆ ಘಣ ಮೋಲ್ನು ಲುಂಗ್ಡಾನ ಮೋಲ್ ಲೈನ್‌, ಯೇಸುನ ಶಿಲ್‌ಬೆಪರ್‌ಥು ಉತಾರಿನ್‌, ಯೋ ಲುಂಗ್ಡಾಥಿ ಇನ ಲಪೇಟಿನ್, ಬಂಡಾನಿ ಘವಿಮ ಮ್ಹೇಲಿನ್ ಯೋ ಘವೀನ ಬಾಕಲ್‌ನ ಮೋಟೊ ಬಂಡಾಥಿ ಮೂಚ್ಯೊ. 47 ಹಿಜ್ಜಾ಼ ದೇಖುಕರ್‌ತಿಥಿಯೆ಼ತೆ ಮಗ್ದಲನಿ ಮರಿಯ ಅಜು಼ ಯೋಸೆನಿ ಆಯ ಮರಿಯನೆ ಯೇಸುನ ಶರೀರ್‌ನ ಮ್ಹೇಲ್ಯುತೆ ಝ಼ಗೋನ ದೇಖಿಯೆ಼.