22 ಎತ್ರೇಸ್ ಕಾಹೆತೆ ಯೆರೂಸಲೇಮ್ಥು ಆಯುಹುಯು ಮೋಶೆನಿ ವಚನ್ ಶಿಕಾಡವಾಳು ಶಾಸ್ತ್ರಿಖ್ಹಾರು, "ಆ ಯೇಸುನ ಬೆಲ್ಜೆಬೂಲ್ ಧರಿರಾಖ್ಯೋಸ್! ಯೋ ಭೂತ್ನೊ ಯಜಮಾನ್ನಿ ಮದತ್ಥೀಸ್ ಯೇಸು ಭೂತ್ನಖ್ಹಾರು ಕಾಡಸ್ತೆ" ಕರಿ ಬೋಲುಕರ್ತೂಥು.
23 ಯೇಸುನೆ ಇವ್ಣುನ ಖನ್ನೆ ಬುಲೈನ್, ಇವ್ಣುನ ಮತ್ಲಬ್ನಿ ವಾತೆಖ್ಹು ಬೋಲ್ಯೋಕಿ: ಶೈತಾನ್3:23 ಶೈತಾನ್ ಕೋಣ್ ಕತೊ ಅಗಾಡಿ ಯೋ ಪರಲೋಕ್ಮ ದೇವ್ ದೂತರ್ ಹುಯಿರ್ಹೋಥೊ. ದೇವ್ನ ವಿರೋದ್ ಕಾಮ್ ಕರ್ತಾನ ದೇವ್ನೆ ಇನ ಪರಲೋಕ್ಮಾಥು ಧಕೇಲಿದಿದೊ. ಆಸ್ ಭೂತ್ಖ್ಹಾರಾನೊ ಮೋಟೊ ಹುಯಿರ್ಹೋಸ್ತೆ. ಶೈತಾನ್ನಸ್ ಕಿಮ್ ಕಾಡ್ಶೆ? 24 ಏಕ್ ರಾಜ಼್ಭಾರ್ನು ಅದ್ಮಿ ಭಾಗ್ ಪಡಿನ್, ಇವ್ಣ ಇವ್ಣಾಸ್ಮ ಲಡೈ ಪಡಾಲಗ್ಯೂತೊ, ಯೋ ರಾಜ್ಯ ಪಡಿಜಾ಼ಶೆ. 25 ಏಕ್ ಘರ್ಮ ಭಾಗ್ ಪಡಿನ್ ಏಕ್ಥಿ ಏಕ್ ಲಡೈ ಕರಾಲಗ್ಯುತೊ ಯೋ ಘರ್ ಫುಟಿಜಾ಼ಸ್. 26 ಇಮ್ಮಸ್ ಶೈತಾನ್ ಉಠೀನ್ ಇನು ಭೂತ್ಖ್ಹಾರನ ಯೋಸ್ ನಖ್ಹಾಡ್ಯೋತೊ ಯೋ ಭಾಗ್ ಹುಯಿನ್, ಇನು ರಾಜ಼್ಭಾರ್ ರ್ಹಿಶೆಕೊಂತೆ ಖತಮ್ ಹುಯಿಜಾ಼ಶೆ.
27 ಎತ್ರೇಸ್ ಕಾಹೆತೆ ಕೋಣ್ತೋಬಿ ಏಕ್ ಜ಼ಣು ಅಗಾಡಿ ಏಕ್ ಶಕತ್ವಾಳ ಅದ್ಮಿನ ಭಾಂದ್ಯುನಾತೊ, ಇನ ಘರ್ಮ ಜೈ಼ನ್, ಇನು ಶೊತ್ ಖ್ಹಾರು ಚೋ಼ರಿ ಕರಾನ ಕೋ ಹುವಾನಿ. ಕತೋಬಿ ಯೋ ಇನ ಭಾಂದಿನಾಖಿದೆವಾನ ಬಾದ್ಮ ಇನ ಘರ್ಮ ಲೂಟಿ ಕರೆಜಾ಼ಯ್.
28 ಯೇಸುನೆ "ತುಮೂನ ಮೇ ಖ್ಹಾಚಾಮ ಬೋಲುಸ್ಕಿ, ಅದ್ಮಿಖ್ಹಾರು ಕರಾತೆಅಖ್ಖು ಪಾಪ್ನಾಬಿ ದೂಷಣೆನಾಬಿ ಕ್ಷಮಾಪಣ್ ಮಳ್ಶೆ. 29 ಕತೋಬಿ ಪವಿತ್ರಾತ್ಮನಿ ಚಿಂಘಾವ್ಣಿ ಕರಾವಾಳನ ಕದೇಬಿ ಮಾಪಿ ಕೋ ಮಳ್ಶೆನಿ. ಯೋ ಹಮೇಶಾಬಿ ಮಾಪ್ಕರಾನ ಕೋ ಹುವ್ವಾನಿತೆ ಪಾಪ್ಮ ಪಡಿಗಯೊ" ಕರಿ ಬೋಲ್ಯೊ. 30 ಇವ್ಣೆ ಇನ, "ಭೂತ್ ಧರಿರಾಖ್ಯುಸ್" ಕರಿ ಬೋಲುಕರ್ತೂಥೂತೆ ಇನಾಖ್ಹಾಜೆ ಯೇಸುನೆ ಅಮ್ ಬೋಲ್ಯೋತೆ.
/images/a/6c03efee-c76a-4ab8-fe2e-555683f90900)
/images/a/9ec55bb8-7dc5-47b9-c32a-98aea1c00300)