37 ಜಾ಼ತಿವಖ್ಹತ್ಮ ಏಕ್ದಮ್ ಮೋಟೊ ವಹಿರೊ ವಾಗಿನ್, ಮೋಟೊ ಝೋ಼ಕಾಳ್ಯೊ ಉಠೀನ್ ಯೋ ಡೋಣ್ಣಾ ಮಾರ್ ಪಡ್ತಾಖ್ಹತರ್, ಯೋ ಡೋಣ್ಮ ಪಾಣಿ ಭರಾವಲಗ್ಯೂಥು. 38 ಯೇಸು ಡೋಣ್ಣಾ ಪಾಛ಼್ಲಿ ಬಾಜು಼ಮ ಶಿರಾಣು ಟೇಕಿನ್ ಖ್ಹುತೋಥೊ. ತದೆ ಶಿಷ್ಯರ್ನೆ ಇನ ಉಠಾಡಿನ್, "ಗುರು, ಹಮೆ ಮರ್ವಾನ ಆಯಾನಿ ತುನ ಜ಼ರಾಬಿ ಫಿಕರ್ಕೊಯ್ನಿಕಿ ಶು? ಕರಿ ಬೋಲ್ಯ.
39 ತದೆ ಯೇಸುನೆ ಉಠೀನ್ ಯೋ ವಹಿರಾನ, "ಖ್ಹೊಪ್ ರ್ಹೆ!" ಅಜು಼ ದರ್ಯಾವ್ನ "ಶೊಪೊ ಹುಯಿಜಾ಼!" ಕರಿ ಹುಕುಮ್ದಿದೊ. ಅಮ್ ಬೋಲ್ತಾಸ್ನ ವಹಿರೊ ಖ್ಹೊಪೊ ಪಡಿಗಯು, ಅಜು಼ ಖ್ಹಾರು ಖ್ಹೊಪೊ ಪಡಿಗಯು. 40 ಬಾದ್ಮ ಯೇಸುನೆ ಇನ ಶಿಷ್ಯರ್ನ, "ತುಮೆ ಶನ ಡರೋಸ್ತೆ? ಅಜೂ಼ಬಿ ತುಮೂನ ವಿಶ್ವಾಸ್ ಕೊಯ್ನಿಕಿ ಶು?" ಕರಿ ಬೋಲ್ಯೊ.
41 ಕತೋಬಿ ಇವ್ಣೆ ಘಣು ಡರಿಜೈನ್, "ಆ ಅದ್ಮಿ ಕೋಣ್ ಉಶೆ? ವಹಿರೋಬಿ, ದರ್ಯಾವ್ಬಿ ಜಿನು ಆ ಬೋಲಾತೆ ಇಮ್ ಖ್ಹಮ್ಜಾ಼ಸ್ನಿ!" ಕರಿ ಏಕ್ಥಿ ಏಕ್ ಬೋಲಿಲಿದು.
/images/a/6c03efee-c76a-4ab8-fe2e-555683f90900)
/images/a/9ec55bb8-7dc5-47b9-c32a-98aea1c00300)