ಯೇಸುನೆ ಬೆತ್ಸಾಯಿದಾಮ ಕಾಣಾನ ಡೋಳೊ ದಿದೋತೆ
22 ಬಾದ್ಮ ಯೇಸುಬಿ ಇನು ಶಿಷ್ಯರ್ ಬೆತ್ಸಾಯಿದ ಗಾಮ್ನ ಆಯು. ಹಿಜ್ಜಾ಼ ಥೋಡು ಅದ್ಮಿ ಏಕ್ ಕಾಣಾನ ಯೇಸುಕನ ಬುಲೈಲಾಯಿನ್, "ಆ ಕಾಣಾನ ಛೀಮ್" ಕರಿ ಇನ ಗಿಂಗೈಲಿದು. 23 ಯೇಸುನೆ ಯೋ ಕಾಣಾನ ಹಾತ್ ಧರೀನ್ ಗಾಮ್ನ ಭಾರ್ ಬುಲೈಲೀಜೈ಼ನ್, ಇನ ಡೋಳಾಪರ್ ಥೂಕಿನ್, ಇನಾಪರ್ ಹಾತ್ ಮ್ಹೇಲೀನ್, "ತುನ ಶಾತ್ತೋಬಿ ದೆಖಾವಸ್ಕಿ ಶು?" ಕರಿ ಇನ ಪುಛಾ಼ಯೊ.
24 ಇನೆ ಮುಡ್ಕ್ಯು ಪಾಡಿ ದೇಖಿನ್, "ಮನ ಅದ್ಮಿಖ್ಹಾರು ದೆಖಾವಸ್, ಕತೋಬಿ ಇವ್ಣೆ ಝಾ಼ಡಾವ್ನಿಮತ್ ದೆಖಾವಸ್ತೋಬಿ ಹೈಕಡ್ ಹೀಕಡ್ ಫರುಕರಾಸ್" ಕರಿ ಬೋಲ್ಯು.
25 ತದೆ ಯೇಸುನೆ ಇನ ಡೋಳಾಪರ್ ಫಾಛೊ಼ ಇನೊ ಹಾತ್ ಮ್ಹೇಲ್ಯೊ. ಯೋ ಡೋಳ ಮ್ಹೇಲಿ ದೇಖಾಖ್ಹತರ್ ಇನ ಡೋಳ ಐಗಾಥ, ಅಜು಼ ಇನಅಖ್ಖು ಬರೋಬರ್ಥಿ ದೆಖಾಯು. 26 ಬಾದ್ಮ ಯೇಸುನೆ ಇನ, "ಗಾಮ್ನ ಮಹಿ ನಕೊ ಜಾ಼" ಕರಿ ಬೋಲಿನ್ ಇನ ಘರೆ ಮೋಕ್ಲಿದಿದೊ.
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)