ಎಸ್ತೇರ 10

ಅಹಷ್ವೇರೋಷ ಅಜು಼ ಮೊರ್ದೆಕೈನಿ ಖ್ಹರಾವ್ಣಿ

1 ರಾಜ಼ ಅಹಷ್ವೇರೋಷನೆ ಇನ ರಾಜ್ಯನ ಮಳ್ಯುಹುಯು ಖ್ಹಾರಸ್‌ ದೇಖ್ಹ್‌ಪರ್‌ಬಿ ದರ‍್ಯಾವ್ನ ಟಾಪಪರ್‌ಬಿ ಶುಂಕ ನಾಖ್ಯೊ. 2 ಇನು ಶಕತ್ ತಾಖತ್‌ನು ಕಾಮ್‌ಖ್ಹಾರು ಅಜು಼ ರಾಜ಼ನೆ ಮೊರ್ದೆಕೈನ ಘಣಿ ಮರ‍್ಯಾದಿನಿ ಛ಼ಡಾಯೋತೆ ಬಾರೇಮಾನು ಪೂರ ಲೀಖಾಪಟ್‌ ಮೇದ್ಯ ಅಜು಼ ಪರ್ಷಿಯ ದೇಖ್ಹ್‌ನ ರಾಜ಼ವ್‌ನು ಜ಼ಮಾನನು ದಪ್ತರ್‌ಮ ಲೀಖೈರ‍್ಹುಸ್. 3 ಯೆಹೂದ್ಯವಾಳೊ ಮೊರ್ದೆಕೈತೋಬಿ ರಾಜ಼ ಅಹಷ್ವೇರೋಷನು ಬೇನು ಝ಼ಗೋವಾಳೋಬಿ ಯೆಹೂದ್ಯವಾಳಾಮ ಮರ‍್ಯಾದಿವಾಳೊಬಿ ಇನ ಮಾಯಮಾತ್ರಾಮ ಲಾಡ್‌ಪ್ಯಾರ್‌ವಾಳೋಬಿ ಶೊಂತ್ ಅದ್ಮೇವ್‌ನಖ್ಹಾಜೆ ವೇಚ಼್‌ಣೆ ಕರಾವಾಳೋಬಿ ಶೊಂತ್‌ ಖೂಮ್‌ವಾಳ ಖ್ಹಾರಾಸ್ನ ಶಾಂತಿದೂತಾಬಿ ಹುಯಿರೋಥೊ.