ವಿಶ್ವಾಸ್ಕೊಂತೆ ಖ್ಹಯೇರೆನಿ ಬಾರೇಮ
20 ತದೆ ಯೇಸುನೆ ಯೋ ಕೈಯೆಕ್ಕಿ ಮಹಾನ್ ಕಾಮ್ಖ್ಹಾರು ಕರ್ಯೊತೆ ಗಾಮ್ವಾಳು ಪಾಪ್ನ ಮ್ಹೇಲಿನ್ ಫರ್ಯುಕೊಂತೆ ದೇಖಿನ್, ಇವ್ಣುನ ಗುರ್ಕಾವಲಗ್ಯೊ. 21 "ಅಯ್ಯೋ ಖೊರಾಜಿನ್ ಖ್ಹಯೇರ್, ತುಮಾರಿ ಹಾಲ್ನ ಶಾತ್ ಬೋಲು ಬೆತ್ಸಾಯಿದ, ತುಮಾರಿ ಹಾಲ್ನಬಿ ಶಾತ್ ಬೋಲು! ತುಮಾರಾಮ ಚಾ಼ಲ್ಯುತೆ ಮಹಾನ್ ಕಾಮ್ಖ್ಹಾರು ತೂರ್ ಅಜು಼ ಸೀದೋನ್ ಖ್ಹಯೇರ್ಮ ಚಾ಼ಲ್ಯುಹೋತ್ತೊ, ಹಿಜ಼್ಜಾವಾಳು ಕದೇಸ್ಕಿ ಛೈ಼ನೊಕೋಥ್ಳೊ ಲಪೇಟಿಲೀನ್, ರಾಕ್ಮ ಬೇಶಿನ್, ಇವ್ಣು ಪಾಪ್ನ ಮ್ಹೇಲಿನ್, ಫರಿಗಯುಹೋತ್! 22 ಕತೋಬಿ ನ್ಯಾವ್ನಿ ತೀರ್ಪ್ನ ದನ್ಮ ತುಮಾರಿ ಹಾಲ್ಥೀಬಿ ತೂರ್ ಅಜು಼ ಸೀದೋನ್ ಖ್ಹಯೇರ್ನಿ ಹಾಲ್ ಅಛ್ಛಿ ರ್ಹಿಶೆ ಕರಿ ಮೇ ತುಮೂನ ಬೋಲುಸ್! 23 ಅಲಾ ಕಪೆರ್ನೌಮ್ ಗಾಮ್, ತೂ ಸೊರ್ಗಾಮ ಪಡೈಲೀಶ್ಕರಿ ಸೋಚಾಸ್ಕಿ ಶು? ಕೊಯ್ನಿ! ತುನ ಪಾತಾಳ್ಮ ನಾಕ್ಶೆ! ತಾರಾಮ ಚಾ಼ಲ್ಯುತೆ ಅದ್ಭುತ್ಕಾಮ್ಖ್ಹಾರು ಸೊದೋಮ್ಮ ಚಾ಼ಲ್ಯುಹೋತ್ತೊ, ಯೋ ಖ್ಹಯೇರ್ ಹಂಕೆತೋಡಿ ರ್ಹಯುಹೋತ್. 24 ಕತೋಬಿ ನ್ಯಾವ್ನಿ ತೀರ್ಪ್ನ ದನ್ಮ ತಾರಿ ಹಾಲ್ಥೀಬಿ ಸೊದೋಮ್ ತಬರ್ಖಾನಿ ಹಾಲ್ ಅಛ್ಛಿ ರ್ಹಿಶೆ ಕರಿ ಮೇ ತುಮೂನ ಬೋಲುಸ್" ಕರಿ ಬೋಲ್ಯೊ.
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)