ಶತ್ತೇನಿ ಬಾರೇಮ ಯೇಸುನೆ ಮತ್ಲಬ್ನ ಬೋಲಿ ವತಾಳ್ಯೊತೆ.
36 ಯೇಸು ಅದ್ಮಿನ ಮ್ಹೆಂದಿನ್, ಘರೆ ಜಾ಼ವಾನ ಬಾದ್ಮ, ಇನ ಶಿಷ್ಯರ್ ಇನಾಕನ ಆಯಿನ್, "ಖೇತರ್ಮಾನು ಶತ್ತೇನಿ ಬಾರೇಮಾನು ಮತ್ಲಬ್ನ ಹಮೂನ ಬೋಲಿವತಾಳ್" ಕರಿ ಬೋಲ್ಯ.
37 ಯೇಸುನೆ, "ಅಛ್ಛು಼ ಪಂಡು ನಾಖವಾಳೊ ಕತೊ ಅದ್ಮಿನೊ ಛಿಯ್ಯೊ; 38 ಖೇತರ್ಕತೊ ಆ ಜಗತ್; ಅಛ್ಛು಼ ಪಂಡುಕತೊ ದೇವ್ನಿ ರಾಜ್ಯನು ಅದ್ಮಿಖ್ಹಾರು; ಶತ್ತೆಕತೊ ಶೈತಾನ್ ಭಣಿವಾಳು ಕರಿ; 39 ಶತ್ತೇ ನಾಖ್ಯೋತೆ ದುಶ್ಮನ್ಕತೊ ಶೈತಾನ್ ಕರಿ. ಖ್ಹುಗ್ಗೀನ ದನ್ಕತೊ ಜಗತ್ನು ಖ್ಹರ್ತಿನ ದನ್ಕರಿ ಅಜು಼ ವ್ಹಾಡವಾಳುಕತೊ ದೇವ್ನು ದೂತರ್ ಕರಿ. 40 ಕಿಮ್ ಶತ್ತೇನ ಉಖ್ಡಿನ್ ಬಾಳಿನಾಖಸ್ಕಿ, ಇಮ್ಮಸ್ ಜಗತ್ನು ಖ್ಹರ್ತಿನ ದನ್ಮ ಚಾ಼ಲ್ಷೆ. 41 ಅದ್ಮಿನೊ ಛಿಯ್ಯೊ ಇನ ದೂತರ್ನ ಮೋಕ್ಲಿನ್, ಇವ್ಣೆ ಇನ ರಾಜ್ಯಮ ಕೋಣ್ ಪಾಪ್ ಅಜು಼ ಖರಾಬ್ಕರಾನಿತರ ಕರ್ಯುಕೀ ಇಮ್ನ ಅದ್ಮಿಖ್ಹಾರನ ಎಕ್ಟು ಕರೀನ್, 42 ಅಜು಼ ಇನಿ ರಾಜ್ಯಮಾಥು ಭಾರ್ ಕಾಡಿನ್ ಆಗ್ನ ಕುಂಡಾಮ ನಾಕ್ಶೆ. ಹಿಜ್ಜಾ಼ ಇವ್ಣೆ ರೊವ್ಶೆ ಅಜು಼ ಕರ್-ಕರ್ ದಾತ್ಚಾ಼ವ್ಶೆ 43 ತದೆ ನೀತಿವಾಳು ಅದ್ಮಿಖ್ಹಾರು ಚಾ಼ಂದ್ನಿಘೋಣಿ ಚ಼ಮಕ್ತುಹುಯಿನ್ ಇವ್ಣ ಬಾನಿ ರಾಜ್ಯಮ ರ್ಹಿಶೆ. ಖ್ಹಮ್ಜಾ಼ನ ಕಾನ್ ರ್ಹವಾಳು ಖ್ಹಮ್ಜಾ಼ದೆ" ಕರಿ ಬೋಲ್ಯೊ.
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)