ಶೈತಾನ್ನೆ ಯೇಸುನ ಖ್ಹತಾಪ್ಣಿ ದಿದೂತೆ
1 ತದೆ ಯೇಸುನ ಶೈತಾನ್ಥಿ ಶೋದನೆ ಹುವಾನಟೇಕೆ, ದೇವ್ನು ಆತ್ಮಾನೆ ಇನ ಉಜ್ಜಾ಼ಡಿ ಝ಼ಗೋಮ ಚ಼ಲಾಯೊ. 2 ಯೇಸು ಚಾ಼ಳಿಖ್ಹ್ ರೋಜ಼್ ರಾತ್-ದನ್ ಉಪವಾಸ್ ರ್ಹವಾನ ಬಾದ್ಮ, ಇನ ಭುಕ್ಲಾಗ್ಯು. 3 ತದೆ ಶೈತಾನ್ ಯೇಸುಕನ ಆಯಿನ್, "ತೂ ದೇವ್ನೊ ಛಿಯ್ಯೊ ಉಶೇತೊ, ಆ ಬಂಡಾವ್ನ ರೋಟೊ ಹುವಾನಿಘೊಣಿ ಹುಕುಮ್ ದೇ" ಕರಿ ಬೋಲ್ಯೊ.
4 ಕತೋಬಿ ಯೇಸುನೆ, "ಅದ್ಮಿ ಖಲಿ ರೋಟೊ ಖಾವಾಥೀಸ್ ಕೋ ಬಚಾ಼ನಿ, ದೇವ್ನ ಮ್ಹೋಡವಾಟೆ ನಿಕ್ಳಾಸ್ತೆ ಹರೇಕ್ ವಾತೆಥೀಸ್ ಬಚಾ಼ಸ್ತೆ’ ಕರಿ ವಚನ್ಮ ಲೀಖೈರ್ಹೂಸ್ನಿ"4:4 ಧರ್ಮೊಪದೇಶಕಾಂಡ 8.3 ಕರಿ ಬೋಲ್ಯೊ.
5 ತದೆ ಶೈತಾನ್ನೆ ಯೇಸುನ ಪವಿತ್ರ ನಂಗರ್ ಯೆರೂಸಲೇಮ್ನ ಬುಲೈಲಿಜೈ಼ನ್ ಮಂದಿರ್ನ ಉಪ್ಪರ್ಲಿ ಟೇಕ್ಡಿನಿ ಝ಼ಗೋಪರ್ ಭೀರಾಖಿನ್, 6 "ತೂ ದೇವ್ನೊ ಛಿಯ್ಯೊ ಉಶೇತೊ, ಹಜ್ಜಾ಼ಥೊ ಹೇಟ್ ಕೂದ್,
‘ದೇವ್ ತಾರಿ ಬಾರೇಮ ಇನ ದೂತರ್ನ ಹುಕುಮ್ ದಿಶೆ;
ತಾರ ಗೋಡೊ ಬಂಡಾನ ಠೋಕರ್ ನಾಲಗ್ನುತೆ ತಿಮ್
ಯೋ ತುನ ಹಾತ್ಮ ಪಾಡಿಲಿಶೆ. ಕರೀಬಿ ಪವಿತ್ರ ದಪ್ತರ್ಮ ಲೀಖೈರ್ಹೂಸ್ನಿ"4:6 ಕೀರ್ತನೆ 91.11-12 ಕರಿ ಬೋಲ್ಯೊ.
7 ತದೆ ಯೇಸುನೆ, "ತಾರೊ ದೇವ್ ಹುಯಿರ್ಹೋತೆ ಪ್ರಭುನ ತರೀಪ್ಶ ನಾ ಕರ್ನು’ ಕರೀಬಿ ವಚನ್ಮ ಲೀಖೈರ್ಹೂಸ್ನಿ" 4:7 ಧರ್ಮೊಪದೇಶಕಾಂಡ 6.16ಕರಿ ಬೋಲ್ಯೊ.
8 ಅನಬಾದ್ಮ, ಶೈತಾನ್ನೆ ಯೇಸುನ ಘಣ ಊಚಾ಼ ಪಹಾಡ್ಪರ್ ಬುಲೈಲಿಜೈ಼ನ್, ಜಗತ್ನು ಖ್ಹಾರಸ್ ರಾಜ್ಯನ, ಅಜು಼ ಇನಿ ಖ್ಹಾರಿಸ್ ರಾಜ್ಯನ ವೈಭವನ ಇನ ವತಾಳಿನ್. 9 "ತೂ ಮನ, ಆಡ್ಪಡಿನ್ ಆರಾದನೆ ಕರ್ಯೋತೊ, ಆ ಖ್ಹಾರಸ್ನ ಮೇ ತುನ ದೆವುಸ್" ಕರಿ ಬೋಲ್ಯೊ.
10 ತದೆ ಯೇಸುನೆ, "ಇನ, ಶೈತಾನ್ ತೂ ಹಟಿಜಾ಼! ‘ತಾರೊ ದೇವ್ ಹುಯಿರ್ಹೋತೆ ಪ್ರಭುನ ಎಕ್ಕಸ್ ಜ಼ಣಾನ ಆರಾದನೆ ಕರ್ನು ಅಜು಼ ಸೇವೆ ಕರ್ನು ಕರಿ ವಚನ್ಮ ಲೀಖೈರ್ಹುಸ್" ಕರಿ ಬೋಲ್ಯೊ.
11 ತದೆ ಶೈತಾನ್ನೆ ಇನ ಮ್ಹೆಂದಿನ್ ಚ಼ಲೆಗಯೊ. ಅಜು಼ ದೇವ್ನು ದೂತರ್ ಆಯಿನ್, ಇನಿ ಸೇವಾ-ಚಾ಼ಕ್ರಿ ಕರ್ಯು.
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)