ರೋಮಾಪುರವಾಳನ 1

22 ಇವ್ಣೆಸ್ ಗ್ಯಾನಿಕರಿ ಬೋಲಿಲಿನ್ ಇವ್ಣೆ ಬಿಣ್‍ಅಕ್ಲಿನು ಹುಯಿರ‍್ಹುಸ್. 23 ಮಟಾಕೊಂತೆ ದೇವ್ನಿ ಮಹಿಮೆನ ಇವ್ಣೆ ನಾಶ್ ಹುಯಿಜಾ಼ಯಿತೆ ಅದ್ಮಿ, ಜಾನ್ವರ್‌, ಜಿನಾವರ್‌, ಖ್ಹವ್‍ಳಾತೆ ಕೀಡ್‌ಕಮ್ಟಾನ ಮೂರತ್ನ ಪೂಜ಼ಕರಲಗ್ಯು. 24 ಇನಖ್ಹಾಜೆ ಅದ್ಮಿವೋನ ದಿಲ್ನಿ ಲಾಲಚ್‌ನಿಘೊಣಿ ಚಾ಼ಲಿಲಿನ್ ಇವ್ಣ ಇವ್ಣ ಶರೀರ್‌ನ ಇವ್ಣಮಹಿ ಖ್ಹರಮ್‌ ಕಡೈಲ್ಯವಾದೆಕರಿ ದೇವ್ನೆ ಇವ್ಣುನ ಕಚಿಂಡ್‌ ಚಾ಼ಲ್‌ಮ ಮ್ಹೇಲಿದಿದೊ. 25 ಇವ್ಣೆ ದೇವ್ನು ಖ್ಹಾಚ಼ನ ಝೂ಼ಟುಕರಿ ಬದಲೈಲೀನ್, ಉಬ್‌ಜಾ಼ಯೋತೆ ದೇವ್ನ ಆರಾದನೆ ಕರ‍್ಯುಕೊಂತೆ ಉಬ್‍ಜ್ಯುಹುಯ ರಾಛಾ಼ನಸ್ ಆರಾದನೆ ಕರ‍್ಯು. ಅಖ್ಖ ಹಗಾಮ್ಮ ಉಬ್‍ಜಾ಼ಯೊತೆ ದೇವ್ನಾಸ್ ಹಮೇಶ ಸ್ತುತಿ ಹುವಾದೆ, ಆಮೆನ್. 26 ಇವ್ಣೆ ಅಥ್ರಾನು ಕರ‍್ಯುತೆ ಇನಖ್ಹಾಜೆ ದೇವ್ ಇವ್ಣುನ ರ‍್ಹೇವ್ಣುತೆ ಶರೀರ್‌ನು ಪರಕ್ನು ಸುಖಭೋಗ್‍ನ ಮ್ಹೆಂದಿನ್ ನಾಕರ‍್ನುತೆ ಶರೀರ್‌ನು ಪರಕ್ನು ಸುಖಭೋಗ್‍ನ ಕರಾನ ಮ್ಹೇಲ್ಯೊ. 27 ಇಮ್ಮಸ್ ಪರ್ಖ್ಹೊ ಮ್ಹಾಮುಲಿನು ತಯೇಡಾನಿ ಶರೀರಿಕ್‍ ಭೋಗ್‌ನ ಮ್ಹೇಲಿನ್ ಇವ್ಣ ಇವ್ಣಾಮಸ್ ಖ್ಹರಮ್‌ಕೊಂತೆ ಕಾಮ್ ಕರಾಥಿ ಇವ್ಣುನ ಮಳ್‌ಣುತೆ ನಿಶತ್‍ನ ಲೀಲಿದು.