2 ಇಮ್ ಕದೇಬಿ ನಾ ಹೋಣು. ಅಪ್ಣೆ ಪಾಪ್ನ ಭಾಗ್ನ ಮರಿಗಯ, ಅಪ್ಣೆ ಬಿಜೂ಼ಬಿ ಪಾಪ್ಮ ಬಚಾ಼ನು ಕಿಮ್? 3 ನತರ್ ಕ್ರಿಸ್ತಯೇಸುನಿ ಗಳ್ಜೋ಼ಡ್ಮ ಭಾಗ್ ಲೀರಾಖವಾಳ ಹುಯಿನ್ ಬ್ಯಾಪ್ತಿಸ್ಮ ಕರೈಲಿದಾತೆ ಅಪ್ಣೆ ಇನ ಮರಣ್ಮ ಬ್ಯಾಪ್ತಿಸ್ಮ ಕರೈರಾಖ್ಯಸ್ಕರಿ ತುಮೂನ ಮಾಲುಮ್ ಕೊಯ್ನಿಕಿ ಶು? 4 ಇನಖ್ಹಾಜೆ ಅಪ್ಣಿ ಬ್ಯಾಪ್ತಿಸ್ಮಥಿ ಅಪ್ಣೆ ಇನಿಮರಣ್ಮ ಭಾಗ್ಲ್ಯವಾಳಹುಯಿರ್ಹೀನ್, ಇನಿ ಜೋ಼ಡ್ಮ ಗಡೈಗಯ.ಅಮ್ರ್ಹವಾಪರ್ ಬಾನಿ ಮಹಿಮೆನಿ ಶಕಥ್ಥಿ ಕ್ರಿಸ್ತ ಮರಣ್ಮಾಥು ಉಠಾಡೈಗಯೋತೆ ತಿಮ್ಮಸ್ ಅಪ್ಣೇಬಿ ಏಕ್ ನವ ಜಾನ್ಮ ಜಿವವಾಳ ಹುಯಿರ್ಹಾಸ್. 5 ಅಜು಼ ಇನಿಮರಣ್ಮ ಭಾಗ್ಲ್ಯವಾಳಹುಯಿರ್ಹಾಸ್. ಇಮ್ನೀಸ್ಪರಕ್ಮ ಇನಿಜೋ಼ಡ್ಮ ಏಕ್ಹುಯಿನ್ ಯೋ ಪಾಛು಼ ಜಿವ್ತುಹುಯಿನ್ ಆಯೋತೆ ಇನಮಾಬಿ ಅಪ್ಣೆ ಭಾಗ್ಲ್ಯವಾಳ ಹುಯಿರಾಸ್. 6 ಅಪ್ಣು ಜೂ಼ನು ಚಾ಼ಲ್ಚ಼ಲಣ್ ನಾಶ್ ಹುಯಿಜೈ಼ನ್ ಬಿಜು಼ ಅಗಾಡಿ ಅಪ್ಣೆ ಕದೇಬಿ ಪಾಪ್ನ ಗುಲಾಮ್ ನಾ ಹೋಣುಕರಿ ಅಪ್ಣು ಪಾಪ್ಥಿ ಮರಿಹುಯು ಶರೀರ್ ಇನಜೋ಼ಡ್ಮ ಶಿಲ್ಬೆಪರ್ ಮರೈಗಯುಕರಿ ಅಪ್ಣುನ ಮಾಲುಮ್ ಛಾ಼. 7 ಶನಕತೊ ಕೋಣ್ ಮರಿರ್ಹುಸ್ಕಿ ಇವ್ಣೆ ಪಾಪ್ಥಿ ಛುಟ್ಕಾರ್ ಹುಯಿರೇಸ್.
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)