ರೂತ್ 1

8 ನವೊಮಿ ಇನಿ ವ್ಹಾವೆನ "ತುಮೆ ಭೆಜಣಿ ತುಮಾರಿ ಆಯ ಬಾನ ಘರೆ ಚಲಿಜಾವೋ. ಮನಾಬಿ ಮರಿಗಯತೆ ಮಾರ ಲಡ್ಕವ್ನಬಿ ತುಮೆ ಅಛ್ಛು ಸ್‌ ಕರ್ಯ, ಯೆಹೋವ ದೇವ್ ತುಮ್ನಾಬಿ ಇಮ್ಮಸ್ ಅಛ್ಛು ಕರದೆ. 9 ತುಮೆ ಬೇ ಜಣಿ ಪಾಛಿ ವ್ಯಾಹಕರೀಲಿನ್ ಅಚ್ಚಿನಿತರ ರ‍್ಹವೊಕರಿ ಯೆಹೋವ ದೇವ್ ನು ಅನುಗ್ರಹ ಹುವಾದೆ!" ಕರಿ ಆಶ್ರೀವಾದಂ ಕರೀನ್ ಇವ್ಣ ಮ್ಹೆಲಿದಿನ್ ಬುಚ್ಚದಿದಿ. ಜಾ ಕರಿ ಬೊಲಮ ತದೆ ಇವ್ಣೆ ಜೊರೆಖ್ಹು ರೋವಲಗಿ. 10 ರೈತೊಬಿ ಇವ್ಣೆ, "ಕೊಯ್ನಿಲಿ ಆಯ ತುನ ಮ್ಹೆಂದಿನ್ ಕೊ ಜೈಯಿಸ್ ನಿ. ಹಾಮೆಬಿ ತುಮಾರಿ ಜೋಡ್ಮಾಸ್ ತುಮಾರ ಮಯಾಮಾತ್ರಕನಾಸ್ ಅಯೇಸ್." 11 ತದೆ ನವೊಮಿ, "ಮಾರಿ ಭಯಿ, ತುಮೆ ಪಾಛು ಫರೀನ್ ಜಾವೊ. ಮಾರಿ ಜೋಡ್ಮ ಶನ ಆವ್ಣುಕರಿ ಛಾ? ತುಮೆ ಪಾಛು ವ್ಯಾಹ ಹುವಾನ ಮರಕನ ಬುಜಾ ಲಡ್ಕ ಚ್ಹಾ ನಾ? 12 ಲಡ್ಕ ತುಮೆ ಪಾಚ್ಹು ಪ್ಹರಿನ್ ಜಾವೋ. ಪಾಛು ವ್ಯಾಹಕರಾನಿ ವೈಶ್ ‌ಮನ ಕೊಯ್ನಿ. ಎಕ್ ವಳಿ ಕಾಯಿತೋಬಿ ಲಡ್ಕನಿ ಭರಖ್ಹೊ ತಿ ಹಂಕ್ಕೆ ವ್ಯಾಹ ಹುಯಿನ್ ಲಡ್ಕ ಜಣಿತೋಬಿ 13 ಇವ್ಣೆ ಮೊಟಹೂವಾಲಗೂ ತುಮೆ ರ‍್ಹವನ ಉಶೆ ನಾ? ನಕೊ,ಬುಜು ವ್ಹಾಗ್ರಿಯೆ ಕೊಯಿನ್ತೆ ರ‍್ಹವನ ಉಶೆ ನಾ? ಲಡ್ಕ ಯೆಹೋವನೆ ಮಾರೊ ಹಾತ್ ಮ್ಹೆಲಿರಾಖ್ಯೊಸ್ ತುಮಾರಖ್ಹಾಜೆ ಮನ ಘಣು ದುಃಖಂಹುವಸ್, ಕರಿ ಸಮಾಧಾನಂ ಬೋಲಿ. 14 ಇವ್ಣೆ ಅನ ಖ್ಹಂಜೀನ್ ಉಜೂಬಿ ಜೊರೆಥಿ ರೋಯು. ಯೊ ಹುಯಿಜವದಿನ್ ಒರ್ಫಾ ಇನಿ ಪ್ಹುಯಿ ನಾ ಬುಚ್ಚಾದಿನ್ ಇನು ಆಯ ಬಾ ನ ಘರೆ ಪಾಛಿ ಫರೀನ್ ಚಲಿಗಯಿ. ರೂತ್ ಮತ್ರ ಪ್ಹುಯಿನ ಮ್ಹೆಂದಿನ್ ಕೋ ಗೈನಿ.