8 Machane pi tafager rog ni gimed ba t’uf rog, dab mpaged talin e re bugithin ni ba’aray: rogon ko changar rok Somol e dariy ban’en nib thil u thilin ta’reb e rran nge bbiyu’ e duw, ya l’agruw ni ta’reb rogon u wan’. 9 Ya dawori sowath Somol ni nge rin’ e tin keyog nra rin’, ni bod rogon ni be leamnag boch e girdi’. Ya be gum’an’nag ir u puluwmed, ni fan e dabun ni nge n’ag be’, ya ba’adag ni nge urngin e girdi’ miyad pi’ keru’rad ko urngin e denen ni yad be rin’.

10 Ya chirofen ni Rran rok Somol e bayi taw ni bod rogon ba moro’ro’. Chirofen nem e bay yan nga bayang lanelang ni be falgear lingan, ma urngin e tin ni bay u lanelang ban’en ni bayi yik’ nge kireb, ma fayleng nge urngin e tin bay riy e bayi chuw.