Exodus 30:1,6-8,10

Fare Altar ni yima urfiy e incense riy

1 "Mu ngongliy ba altar ko gek’iy ni acacia, ni ngu’un urfiy e incense*30:1 INCENSE: Bogi ban’en ni bfel’ bon ni yima urfiy nge yan e ath riy ngak Got. u daken. 6 Mag tay e re altar ney nga wuru’ fare gi kateng nib gafgaf u mit fare Kahol ko M’ag. Ireray e gin bay gu mada’ nigem ngay. 7 Aron e gubin e kadbul nra yib ni nge ngongliy rogon fapi magal, ma nge urfiy e incense u daken e fare altar. 8 Ku aram e n’en ni nge rin’ ni blayal’ nnap’an ni nge yib i tay e nifiy ko fare magal. Re incense ney ni yima urfiy ni aram e yibe ognag e dab ntal i rin’ ni gubin e mfen nga m’on. 10 Ta’bayay u reb e duw ni nge machalbognag Aron fare altar ni rogon ko motochiyel, ni aram e nge tay e racha’ ko fa aningeg i gagey u tabthungen fare altar, nracha’en fare gamanman ni maligach ko denen. Ren’ey e ngu’un rin’ ni gubin e duw i yan ngaram. Re altar ney e nge par ni ga’ngin nib thothup, ni kan ognag ngog, i Gag SOMOL."SOMOL