Exodus 34:29,30,33-35

Moses ni sul u daken fare Burey nu Sinai nga but’

29 Fa’ani yib Moses u daken e Burey ni Sinai nga but’ ni be fek fa Ragag i Motochiyel, ma be galgal ram’en owchen ni bochan e ku ur nonow SOMOL; machane ir e dar nang ni be galgal ram’en owchen.✝34:29 2 Kor 3:7–16 30 Me changar Aron nge urngin e girdi’ ngak Moses, miyad guy ni be galgal ram’en owchen, miyad tamdag ni ngar chugurgad ngak. 33 Ma fa’ani mu’ Moses ko welthin ngorad, me upunguy bangi mad nga owchen. 34 Gubin ngiyal’ nra yan Moses ngalan fare Tent nga p’eowchen SOMOL ni nge non ngak SOMOL, me chuweg fa gi mad u owchen nge mada’ ko ngiyal’ nike yib nga wean. Ma nap’an nra yib nga wean, me weliy ngak e girdi’ nu Israel urngin e tin keyog SOMOL ngak ni nge weliy ngorad, 35 miyad guy owchen ni be galgal ram’en. Ma aram me upunguy owchen bayay nge par nib upong nge mada’ ko ngiyal’ ni ngki yan nge non ngak SOMOL.