LUKE 2

4 Me chuw Josef ko binaw nu Nazareth ni bay u lan yu Galile nge yan nga Judea nga bbinaw ni bay riy ni yu Bethlehem fithingan, ni ir e ni gargeleg David ni pilung riy. Ere sul Josef ngaram ni bochan e ir reb i owchen David. 5 I sul ngaram ni ngan tay fithingrow Maria nga babyor, ni cha’nem i Maria e kanog ngak Josef ni yow ra mabgol. Ma re ngiyal’ i n’em ma aram e ke diyen Maria, 6 ma nap’an ni ka yow bay u lan yu Bethlehem, me taw nga nap’an ni nge gargelnag fak. 7 Me gargelnag e bin som’on i fak ni pumo’on, me bachiy e mad ngak nge tay ngalan ba dabiy ko gamanman — ya dariy e gin ni yad ra par riy u tafen e milekag.