Lucas 6

Be’ nib mo’on nib marwoth baraba’ i pa’

6 Me taw nga reb e Sabbath me yan Jesus ngalan reb e tafen e mu’ulung nge machib. Ma bay be’ nib mo’on riy nib marwoth e ba’ ni mat’aw i pa’. 7 Ma boch e tamchib ko Motochiyel nge pi Farise e ur fineyed ni gomanga yigi yib tapgin nge yag ni rogned ban’en nib kireb nike rin’ Jesus; ma aram miyad yip’ e damit ngak ngar guyed ko ra golnag be’ ko liliy ko chirofen nem ni Sabbath fa danga’. 8 Machane manang Jesus e n’en ni yad be leamnag me ga’ar ngak fa’anem nib marwoth baraba’ i pa’, "Mu sak’iy nga mub aray ngam’on." Me sak’iy fare mo’on me yan i par nib sak’iy ko fa gin’em. 9 Me ga’ar Jesus ngorad, "Nggu fithmed: Mang e ma pagdad e Motochiyel rodad ngad rin’ed ko chirofen ni Sabbath? Ngan ayuweg e girdi’ fa ngan gafgow nagrad? Ngan ayuweg e pogofan ku be’ fa ngan thang?" 10 Me ere i changar Jesus u owcherad i yan, me ga’ar*6:10 ga’ar; boch e babyor e bay riy ni ga’ar nib damumuw. ngak fare mo’on, "Mu k’iyag pa’am." Me rin’ ni aram rogon, me manigil pa’ nge sul ngarogon.