Marcos 10

4 Miyad fulweg ngak ni lungurad, "Moses e yoloy nrayag ni nge yoloy be’ murung’agen e bpin rok nike chuw, nge mu’ me pag e bpin rok nge yan."

5 Me ga’ar Jesus ngorad, "I yoloy Moses e re motochiyel nem ni fan ngomed ni bochan e ri gimed ba gelan’, ndabiyag ni ngan fil ban’en ngomed. 6 Machane som’on ko ngiyal’ ni ba’aram, ni sunumiy Got urngin ban’en, ‘Me sunumiy Got e girdi’ ni bagayow e be’ nib mo’on ma bagayow e be’ ni bpin.’ 7 ‘Ireray fan ni ra digey e pumo’on e chitamngin nge chitiningin ngar pirew leengin,*10:7 Boch e babyor e dariy riy e ngar pirew leengin. 8 miyow par ni kar ta’ab girdi’gow.’ Ireray e tin nike yog e babyor nib thothup. Ya aram e gathi ku yow ba ruw ni girdi’, ya kar ta’ab girdi’gow. 9 Ere thangri dabi dareg e girdi’ e gali cha’ ni Got e ke chagiyrow."