Mateus 12

Maang’ang nnog ngak Jesus ni nge ngongliy

38 Me non boch e tamchib ko Motochiyel nge boch e pi Farise ngak Jesus ni lungurad, "Tamchib, gamad ba’adag ni ngam ngongliy reb e maang’ang ngug guyed."

39 Me yog Jesus ni ga’ar, "Kari kireb e girdi’ e bin daba’ e rran ma ke m’ayfan Got u wun’rad! Ere gimed be wenig ngog ni nggu dag e maang’ang ngomed? Dab gu dag! Ta’are maang’ang ni bay ni pi’ ngomed e fare maang’ang ni rin’ Got ngak Jonah ni profet. 40 Rogon ni par Jonah u lan yin fare nig ni ba ga’ ndalip e rran nge dalip e neap’, e ku errogon e en ni Fak e Girdi’ ndalip e rran nge dalip e neap’ nra par u fithik’ e fayleng u ar.