Ezra ni be’eg fare motochiyel ngak e girdi’
1 Fa’ani taw ko bin medlip e pul ma ke sul yu Israel kar pired ko pi binaw rorad. Rofen ni som’on ko re pul nem e yad gubin nra mu’ulunggad nga Jerusalem nga tagil’ e mu’ulung u mit fare garog ni fithingan e Garog ni Ran. Miyad wenig ngak Ezra, ni ir e prist me ir e ba tamilangan’ ko Motochiyel ni pi’ SOMOL ngak yu Israel u pa’ Moses, ni nge yan i fek fare babyor ko motochiyel. 2 Me yan Ezra i fek i yib ko gin nike mu’ulung e girdi’ ngay, ni pumo’on nge ppin nge pi’in ni bitir ni yad ra rung’ag miyad nang fan. 3 Me be’eg fapi motochiyel ngorad u rom u chuchugur ko fare garog, ni be’eg ngorad ni be puf e woch nge mada’ ko misiw’, ma yad gubin ni ur motoyilgad ngak ni kar uthumed telrad.
8 Miyad afweg8:8 AFWEG: Fapi Motochiyel rok Got e ni yoloy ko thin ni Hebrew, machane girdi’ nu Israel ni i par u Babylonia e kar ilalgad nga fithik’ e thin ni Aramaic nike mang thin rorad. Aram fan ndabisiy ni ngan afweg fare motochiyel ni thin ni Hebrew ko thin ni Aramaic. e Motochiyel rok Got ko bin ba’aram e thin ni manang e girdi’ fan.
18 Ka rofen ni som’on ko re madnom nem nge yan i mada’ ko rofen ni tomur nra reb e rran miyad be’eg bang ko fapi Motochiyel rok Got. Medlip e rran nra madnomgad, me rofen ni gaman e meruk ngay mu ku yad tay reb e mu’ulung ni ngar ninged e meybil ko mu’ulung rorad, ni bod rogon nike yog e motochiyel.
Domínio Público. Esta tradução bíblica de domínio público é trazida a você por cortesia de eBible.org.