Lucas 10

Kenashto Samirawisa Beso

25 Isa wono Museni tumaasi aru Yesusniki ye. Barin fattanonak sholefaat: «Assinynyano, koi’ba foonto kaa dananak awu zagunak sholsifaso?» yire mamsi. 26 Yesus wolgire: «Tumaassi awu yisteranso tichchenari? Feretira aro aru danisso?» yi.

27 Asus wolgire: « ‹Tumaas makefanaas Daama Ha’oneeson tuuma nibneesik, tuuma kaaneesik, tuuma hugnaneesiknawa tuuma safaraneesikna shungwa› Dey: ‹Asu zuuttambaase asin ne ne teetaason shunfataasimato shungwa› yisteratu tichchewa» yi.

28 Yesus dey: «Ma’arontu wolgitwa. Ese ne dey esiisimato zaguwa. Koi’ba foonto kaa dey danatawa» yi.