22 Yerusalemun yeese Museni tumaasi assinynyani meya: «Yesus Beelzebul basaassi faarwa! Kiina ayyanaasikitonon kisifenaas baron ha’sifa barikwa» yit wolumsete.
23 Yesus baassotin barki teegere besok ekka yi: «Sexanaas aakkak Sexanaason kisuk chimnirinso? 24 Isa taatoos bare bare oor oor kesfaanane taatobaas zagira yerok aafa chimanawuza. 25 Esiisimato isa keer fe asu oor oor kesfaanane zagire fook aafa chimanawuza. 26 Es bari boor’a Sexanaas bare bare oor oor kesfaanane tishutu tishunatano aafa zagira yerona wuza.
27 «Isa zag asuni keer girire zeemme es zag asusin ephphe taar’noy keebaassi fa foobaason bo’ok chimnir aafe. Taar’naneen orfotu bo’ok chimana.
28 «Futo makefawungwa, asuni meya wostesefe boor’aasewa maksefe me’aase zuuttera feeshun ustona. 29 Sinuntano Korto Ayyanaasta mei’ni kaama maksefe baasso boor’aas koi’ba foonto kowatu sinanatano boor’besiis isanne aafa feeshun ustona wuza.
30 « ‹Kiina ayyana basaassi faarwa› » yiset feeseter sinna boor’atu Yesus es baron make.
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)