Mateus 13

Yugudoosi Beso

47 Tusire dey Yesus: «Esiisimato dey samaki taatoos baariissi ha’tefaat showo tesa kurxummiison zuuti yugudone faarwa. 48 Yugudoos tuumnanneen orfo kurxummiison eshefe baasso zatte baarisi ha’ta kissefe. Estan diisere ma’a ma’aason korisere masaassi gedesefe. Mangu manguuson dey gero ha’sefe. 49 Esiisimato han daasi ko’ak ekkatu sinana. Ha’oosi wosiyanikito yaara boor’ni meyanon ookoni meyaassin koruna. 50 Manguni meyanon dey kayo geyaassi ha’sone. Estak waasnewa ay’ni koyet foone sinana.»