João 3

3 Ãwẽ askámaĩnõ. "Neskávere nĩkãtso. Yora vake pakéoma ivoro, Yové Koĩ kakáyai ãwẽ nimaĩnõ oĩtĩpá", akĩ.

4 Awẽ askámaĩnõ Nicodemosnẽ nĩkãki. "Aweshõkata yora sheniwetsa vake pakéoikĩ? Arimẽse ã ewã shakĩ naki nanéikoóinã ãwẽ itirá?" akĩ.

5 Ãwẽ aská akatõsho, "neskávere nĩkãtso. Yora wakapashãsho pakéi, Yové Koĩni Chinãne pakéi, ãwẽ akáma ivoro, Yové Koĩ kakáyai ãwẽ nimaĩnõ eréikotĩpá.*3.5 Wetsã chinãro wakapashãsho pakéa ivo yoãro, vake pakéa yoã, ioiro morích ikí yoã aká. Yové Koĩ Chinãne pakéa ivo askásevi, ãatõ ima ivo yoã. 6 Yorã vake mĩ pakéro aaro yoranárvi, askámaĩnõ Yové Koĩni Chinãneshõ pakéaro Yové chinã viaya. 7 Askái ‘vake pakeótso’, ẽ imaĩnõ ‘awesármẽ’, ikĩ chinãroa. 8 Niwe arí shovi ikí, ãwẽ oi nĩkãnamtsãwa chinãtso, askámẽkĩ ‘atokirisho oí, atokiri kaíkĩ?’ ikĩ tanatĩpá. Aská keskáse Yové Koĩni Chinãmẽsho pakéa ivo yoraro", akĩ.*3.8 Jesus niwe tanái ã vanatiro niwe oĩnásmamẽkĩ ãwẽ shovĩatõsho oĩrívi. Aská keskáse yorã chinã vená ivo oĩnásmasevi, ãwẽ ikaikainakiri chinãosmasevi.