Atos 3:1-10 | Versão YNS | Bíblia Online

Nkɔɔrà a mbuur aŋàkwɛkà

1 Yàmɛnà naa ilä mwɛy Petɔlà anà Ywan bàkäl mubeenà ntɔn mukàyamà u ndwà a Nzam u taaŋ làtär ungö a midi. 2 Kyekà ilä byanswà ba bàfatwaalà ŋatoo mwɛy sɛmà mböör ande, waa bàfun’tɔɔlà u munàmbwo a ndwà a Nzam tsütsü a ibeenà bàfàbel naa « La Bɛɛl Pɔrte » ntɔn nde ulɔ̈ɔ̈mà ngim akà baar bàfabilà u ndwà a Nzam. 3 Umpal kàmɛn nde Petɔlà anà Ywan bàmubilà u ndwà a Nzam, nde kalɔ̈ɔ̈m ngim. 4 Petɔlà anà Ywan waa bun’syebà. Petɔlà kàtɛn a nde naa: « Iler. » 5 Mbuur awà kaler ubwaŋàbwaŋ. Nde kàsii naa nde awal undiir mwɛy akà ba. 6 Petɔlà waa kàtɛn a nde naa: « Mɛ ngim yatɛy, itàkal wɔl, wɛɛ undiir in’wà mɛ awà mɛ in’kyer apà wa: Kà ikɔb a Yɛsu Klistɔ un’nsi Nasàlɛr, mbarà, kyen. » 7 Apan nde kun’te mpi u kɔɔ ande là ibaal, waa kumbaar. Papan sye in’kɔl anà nkɔn a in’kɔl ande waa myàtsim, 8 nde waa kàfumà, kàmbarà, kàsɛmà mukyà dwaan. Nde kàbilà anà ba u ndwà a Nzam, wàmukyà, mufumà anà musyäŋà Nzam. 9 Baar banswà bun’mɛn mukyà dwaan anà musyäŋà Nzam. 10 Ba bàkyer ayöbà naa wà mbuur afàkal aŋàbwaay tsütsü a « La Bɛɛl Pɔrte » mulɔɔmà ngim. Muman ndaa yun’yeel, baar bàkäl mutɛɛr anà muman bɔɔmà aŋàkir.

Atos 3

Nkɔɔrà a mbuur aŋàkwɛkà

Veja também

O que é o Espírito Santo e qual é o seu papel na vida cristã?

Oração para pedir a Deus que aumente a fé quando o coração está cheio de dúvida